Charter Document - 99909103

Edwardus dei gratia Rex Anglie Dominus Hibernie et Aquitannie maiori et vicecomite London salutem Cum Dominus Edwardus nuper Rex Anglie pater noster iuxta concordiam in parliamento suo apud Westmonasterium a die purificacionis Beate Marie anno regni sui decimo septimo in tres septimanas convocatus de assensu comitum baronum et aliorum procerum regni sui factam omnia terras et tenementa dominia feodi ecclesias advocaciones et libertates quecumque que fuerunt magistri et fratrum ordinis Milicie Templi in Anglia tempore cessacionis et ad nullacionis ordinis illius priori et fratribus hospitalis Sancti Iohannis Ierusalem in Anglia assignaverit et ea eis liberari decreverit sibi et successoribus suis inperpetuum remansur[a] prout in statuto inde edito plenius continetur iamque idem prior nobis supplicaverit ut cum magister Adam Hontum episcopus Meneven triginta solidatas et quatuor denariat[] redditus cum pertinenciis in suburbio London ei deforciat que fuerunt in manibus predictorum templariorum tempore cessacionis et adnullacionis ordinis predicti Et que nec prefatis priori nec predecessoribus suis liberare fuerunt ut dicitur volumus de remedio providere oportuno nos volentes concordiam assignacionem et decretum predicta effectui debitum mancipari vobis precipimus quod audita ipsius prioris in hac parte querela et vocata coram vobis prefato episcopo audito que per[cuum] rationibus et inspect[] concordia assignacione et decreto predict[] debit[] et [festivum] iusticie complementer inde fieri faciat[] prout de iure secundum vim et effectum concordie assignacionis et decreti predict[orum] fuerit faciend[] Teste meipso apud Westmonasterium viii die iulii anno regni Regis tricesimo nono