Charter Document - 99909016
| Charter Number: | 99909016 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1344 |
| Date type: | Internal, Calendar, Regnal |
| Resource Link(s): |
|
Charter:
Edwardus Dei gratia Rex Anglie Dominus Hibernie et Dux Aquitannie dilecto sibi Ricardo [Pomis] custodi parci de Enefelde salutem Quia accepimus per inquisicionem quam per dilectos et fideles nostros Humfridum de Waleden et Henricum de Edenestowe in presencia vestra necnon Edmundi de Cheigny custodis terrarum et tenementorum nobis foris factorum in comitatu Midd[] fieri fecimus quod Willelmus de Mandevilla quondam comes Essex[] et dominus parci predicti per cartam suam dedit fratribus hospitalis Sancti Iohannis Ierusalem ad fontem clericorum London[] manentibus quinque damas ad pascha et quinque damos ad festum Sancti Michaelis habendos in eodem parco iuxta tenorem carte supradicte quod que prior hospitalis Sancti Iohannis Ierusalem in Anglia et predecessores sui pretextu doni predicti dictos damos et damas in forinseco parco de Enefelde a tempore quo non extat memoria usque ad tempus quo dictus parcus per foris factum Humfridi de Bohun quondam comitis Hereford[] et Essex[] et dominus eiusdem parci devenit ad manum nostram perceperunt et habuerunt capiendo per visum custodis parci predicti qui pro tempore fuerit dictos damos inter festum Nativitatis Sancti Iohannis Baptiste et festum Sancti Michaelis dictas que damas inter festum Sancti Michaelis et quadragesimam singulis annis aliquando per se aliquando per suos sumptibus eiusdem prioris cum sagittariis vel canibus pro voluntate sua et non in parco intrinseco quo vocatur le Frith et quod predictus prior impeditus extitit a tempore foris facti illius hucusque de capcione et percepcione dictorum domorum et damarum per custodes eiusdem parci pro eo quod iidem custodes non habuerunt mandatum nostrum ad permittendum ipsum priorem dictos damos et damas ibidem percipere et habere in forma supradicta quod que predictus parcus est membrum manerii de Enefelde quod simul cum eodem parco semper ante foris factum predictum tenebatur de nobis in capite nos volentes eidem priori in hac parte fieri quod est iustum vobis mandamus quod ipsum priorem dictos damos inter dicta festa nativitatis et Sancti Michaelis dictas que damos inter dictum festum Sancti Michaelis et quadragesimam singulis annis per se vel per suos cum sagitariis vel canibus per voluntate sua in dicto forinseco parco de Enefelde capere permittatis prout eos ante foris factum predictum capere consueverint ut predictum est Teste me ipso apud Westmonasterium xxii die Augusti anno regni Regis decimo octavo