Charter Document - 99905016

Edwardus Dei gratia Rex Anglie Dominus Hibernie et Dux Aquitannie dilectis et fidelibus suis Humfrido de Waledene et Henrico de Edenstowe salutem Ex parte dilecti nobis in Christo prioris hospitalis Sancti Iohannis Ierusalem in Anglia nobis est ostensum quod cum Willelmus de Mandevilla quondam comes Essex[] pro salute anime sua et G[] comitis patris sui et comitisse Rohays matris sue et omnium antecessorum et successorum suorum per cartam suam dedisset Deo et Beate Marie et Beato Iohanni Baptiste et fratribus hospitalis Ierusalem in domo hospitalis apud Fontem clericorum manentibus apud London[] annuatim ad pascha quinque damas et ad festum Sancti Michaelis quinque damos in parco de Enefelde in comitatu Midd[] habendos de ipso comite et heredibus suis in perpetuam elemosinam et licet idem prior et predecessores sui priores hospitalis illius a tempore confeccionis carte predicte et pretextu eiusdem usque ad tempus quo parcus predictus per foris factum Humfridi de Bohun quondam comitis Hereford[] et Essex[] et domini predicti parci ad manus nostras devenit dictos damos et damas in eodem parco perceperint et habuerint ut predictum est a tempore tamen quo parcus ille ad manus nostras sic devenit Idem prior dictos damos et damas in predicto parco sic percipere et habere hucusque impeditus extitit et adhuc existit in ipsius prioris dispendium non modicum et gravamen ac exheredacionis hospitalis sui predicti periculum manifestum super quo nobis supplicavit sibi per nos de remedio provideri nos ut sibi quod iustum est in premissis fieri faciamus volentes cerciorari si prefatus Willelmus dictos damos et damas in predicto parco ut premittitur habendos prefatis fratribus per cartam suam dederit idem que prior et predecessores sui predicti a tempore confeccionis predicte carte usque ad tempus quo dictus parcus ad manus nostras sic devenit perceperint et habuerint ut predictum est necne et si sic a quo tempore pretextu eiusdem carte dictos damos et damas perceperunt et habuerunt et quibus temporibus anni et qualiter et quo modo et si a tempore quo predictus parcus ad manus nostras sic devenit dictus prior predictos damos et damas in parco illo percipere et habere impeditus extiterit et adhuc existat necne et si sic tunc per quem et ex qua causa et qualiter et quo modo et de quo vel de quibus parcus ille tenebatur et per quod servicium et qualiter et quo modo assignavimus vos ad inquirendum per sacramentum proborum et legalium hominum de predicto comitatu Midd[] per quos rei veritas melius sciri poterit in presencia custodis nostri terrarum et tenementorum in eodem comitatu nobis foris factorum per vos super hoc premuniendo super premissis omnibus et ea tangentibus plenius veritatem Et ideo vobis mandamus quod ad certos diem et locum quos ad hoc provideritis inquisicionem inde factam et eam distincte et aperte factam nobis sub sigillis vestris et sigillis eorum per quos facta fuerit sine dilatione mittatis et hoc breve mandavimus enim vicecomiti nostro comitatus predicti quod ad certos diem et locum quos ei scire facit venire facit coram vobis tot et tales probos et legales homines de balliva sua per quos rei veritas in premissis melius sciri poterit et inquiri In cuius rei testimonium has litteras nostras fieri fecimus patentes Teste me ipso apud Westmonasterium xviii die augusti anno regni regis decimo octavo Inspeximus eciam quoddam breve dicti progenitoris nostri vicecomiti suo Midd[] directum et in dictam cancellaria suam retornatum in hec verba []