Charter Document - 99900374
| Charter Number: | 99900374 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1235 |
| Date type: | Internal, Episcopal |
| Resource Link(s): |
|
Charter:
Rex [] salutem Sciatis nos intuitu Dei concessisse priori et fratribus hospitalis Sancti Iohannis Ierusalem pro nobis et heredibus nostris quod idem prior et fratres habeant canes suos proprios in domo sua in Hamptone que est in Warenna nostra de Stanes et in qua manent sorores ordinis eiusdem hospitalis ad custodiam eiusdem domus et scilicet canes suos proprios ad ovilia sua custodienda non expeditatos sine omni contradiccione vel impedimento forestar vel warennar nostrorum warenne nostre de Stanes et quietos ab omni visu forestar et warennar nostrorum ita quod nullum amerciamentum de cetero exigi possit a predictis priore et fratribus pro predictis canibus non expeditatis imperpetuum quare volumus et firmiter precipimus quod predicti prior et fratres habeant canes suos in domo sua de Hamptone ad custodiam eiusdem domus et ad ovilia sua custodienda non expeditatos sicut predictum est Testibus Dominis Ioscelino Bathon et Ricardo Sarr episcopis Huberto de Burgo comite Kanc Radulpho filio Nicholai et Ricardo de Argentom Sev magistro Henrico de Capell Radulpho de Roleg Ricardo filio Hugonis et aliis Datum per manus venerabilis patris Radulphi Cicestr episcopi cancellarii nostri apud Westmonasterium xxviii die marcii anno undecimo