Charter Document - 99900371

Hec indentura testatur quod ffrater Robertus Hales prior et ffratres hospitalis Sancti Iohannis Ierusalem in Anglia unanimi assensu et voluntate concesserunt et ad firmam tradiderunt Willelmo Denyas et Iohanne uxori eius quat[] viginti acras et dimidiam rodam terre ad manerium dicti prioris de Hamptone et Wyke spectantes que per sursum reddicionem diversorum tenencium ibidem causa paupertatis et inopie eorundem ad manus ipsius prioris devenerunt videlicet quatuor acras terre et unam rodam terre quas Gilbertus le ffissher tenuit quinque acras terre quas Willelmus Gidehened[] tenuit quatuor acras et unam rodam terre quas WillelmusRoys tenuit quatuor acras terre quas Rogerus North[] tenuit quinque acras terre quas Michael Bacheloer tenuit quatuor acras et unam rodam terre quas Iohannes Panyfader tenuit tres acras et unam rodam terre quas Robertus le Parker tenuit quinque acras et tres rodas terre quas Willemus le Boys tenuit in le Dene undecim acras terre quas Willelmus dictus tenuit apud Presteshall[] unam acram unam rodam et dimidiam rodam terre quam Alanus Waleys tenuit apud Merkheth[] sex decim acras terre que accidebant particulariter in manu dicti prioris in Hamptone et unam virgatam terre continentem sexdecim acras terre quas Iohannes Gardiner tenuit cum prato et bruera ad totam terram predictam pertinentibus concesserunt eciam eisdem Willelmo et Iohanni uxori eius unum mesuagium triginta et quatuor acras et dimidiam et unam rodam et dimidiam terre et unam acram prati cum pertinenciis in Hamptone iuxta Kyngeston[] in comitatu Midd[] que Willelmus ffissher de nobis tenuit in eadem villa et eciam unum mesuagium et triginta et duas acras terre et duas acras prati cum pertinenciis in eadem villa que Ingelramus Basely de nobis tenuit in predicta villa concesserunt insuper predicti prior et ffratres eisdem Willelmo et Iohanne uxori eius unam placeam que quondam fuit Wolpard[] in Hamptone decem acras terre in Tenterfeld[] quas Willelmus Boys quondam tenuit apud la Wyke et tres acras terre en la Dene quas Gilbertus ffissher tenuit iuxta la Wyke habenda et tenenda omnia predicta terras et tenementa prata bruera et cum omnibus suis pertinenciis ut supradictum est prefatis Willelmo et Iohanne ad terminum vite eorundem et alterius eorum diucius viventis reddendo inde annuatim eisdem priori et successoribus suis ad manerium suum de Hamptone predictum vel custodi eiusdem manerii viginti sex solidos et octo denarios sterlingorum ad quatuor anni terminos principales in predicto manerio usuales et duos adventus ad magnas curias ipsius prioris ibidem annuatim faciend[] pro omnibus aliis serviciis consuetudinibus et demandis et si contingat prefatos Willelmum et Iohannam aut alterum eorundem in solucionem firme predicte ut predictum est per quindecim dies deficere volunt et concedunt predicti Willelmus et Iohanne quod tunc bene liceat prefato priori et successoribus suis in predicta terras et tenementa cum omnibus suis ubicumque pertinenciis reintrare et retinere imperpetuum una cum omnibus bonis et catallis in ipsius tunc inventis sine contradiccione aliquali dicti vero prior et ffratres et successores sui totam predictam terram et tenementa cum omnibus suis pertinenciis ut predictum est prenominatis Willelmo et Iohanne contra omnes gentes quantum ad ipsos pertinet warantizabunt et defendant pro anima firma supradicta In cuius rei testimonium sigillum commune dictorum prioris et ffratrum et sigilla dictorum Willelmi et Iohanne huic indenture alternatim sunt appensa Datum apud Chipenham in celebracione capituli dictorum prioris et ffratrum ibidem die martis proximo post festum Sancti Barnabe apostoli anno regni Regis Edwardi tercii post conquestum quadragesimo octavo