Charter Document - 99900368
| Charter Number: | 99900368 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1298 |
| Date type: | Internal, Regnal, Feast |
| Resource Link(s): |
|
Charter:
Sciant presentes et futuri quod ego Alicia quondam uxor Ricardi de la Wyke in mea viduitate et legia potestate remisi et penitus pro me et heredibus vel meis assignatis imperpetuum quietum clamavi priori hospitalis Sancti Iohannis Ierusalem in Anglia et ffratribus eiusdem loci et eorum successoribus totum ius et clameum exaccionem et demandam quod habui vel aliquo modo contingente umquam habere potui in tota illa terra quem quondam Iohannes de la Wyke de predictis priori et ffratribus tenuit in Taleworth Ita videlicet quod nec ego predicta Alicia nec heredes vel mei assignati nec aliquis per me vel pro me in tota predicta terra cum omnibus suis pertinenciis nichil iuris clamei exaccionis vel demande de cetero debemus vel poterimus exigere clamare vel vendicare imperpetuum pro hac autem remissione concessione et quieta clamancia dederunt michi predicti prior et ffratres hospitalis duas marcas argenti premanibus in gersummam In cuius rei testimonium ego predicta Alicia sigillum meum apposui Datum apud Hamptone die dominica proximo post festum Sancti Marcii Evangeliste anno regni Regis Edwardi filii Regis Henrici vicesimo sexto Hiis testibus Edward Lonekyn de Kyngeston Thoma le Templer Radulpho clerico Radulpho Postell de Sorbetone Ricardo atte capell de Taleworth Iohanne le Parker et aliis