Charter Document - 99900315
| Charter Number: | 99900315 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1290 |
| Date type: | Internal, Feast, Regnal |
| Resource Link(s): |
British Library - Cotton MS Nero E VI (f110r) |
Charter:
Sciant presentes et futuri quod ego Ricardus de Revle dedi concessi et hac presenti carta mea confirmavi Iohanni de Chelsyn civi London unam acram bosci quam habui in villa de Chelsyn Attehell qui quidem boscus vocatur Squitersboldgrove et est de tenura Domini Simonis de Pateshull et eciam totam illam terram capitalem quam habui in Langenham que quidem terra abuttat super terram Ricardi carectarii versus occidentem et super silvam dicti Domini Simonis de Patishull versus orientem habendum et tenendum dictum boscum de dicto Simone vel heredibus suis seu assignatis et eciam predictam terram de me et heredibus meis vel assignatis dicto Iohanni vel heredibus suis seu assignatis libere quiete integre bene et in pace in feodo et hereditate imperpetuum Reddendo inde annuatim pro dicto bosco dicto Domino Simoni vel heredibus suis seu assignatis duos solidos argenti ad Natale Domini et michi vel heredibus meis seu assignatis pro predicta terra ad dictum terminum Natalis Domini unum clavum gariophili et pro warantia dicti bosci unam rosam in festo Nativitatis Beati Iohannis Baptiste pro omnibus serviciis et demandis secularibus et rebus cuntis et ego predictus Ricardus et heredes mei vel assignati dictum boscum et predictam terram dicto Iohanni vel heredibus suis vel assignatis warantizabimus defendemus et per predictum servicium contra omnes gentes acquietabimus imperpetuum pro hac autem mea donacione concessione warantia defensione acquietacione et presentis carte mee confirmacione dedit michi dictus Iohannes premanibus in gersumam viginti solidos sterlingorum et ut hec omnia premissa robur perpetue firmitatis optineant presentem cartam sigilli mei impressione roboravi Hiis testibus domino Roberto de Melkelee Iohanne Chyld Petro le Halfide Iohanne le Joefne Iohanne de Wattesmelle Iohanne Marescall Iohanne de Roching clerico et aliis Datum in crastino Sancti Andree apostoli anno regni regis Edwardi decimo nono