Charter Document - 99900314

Anno regni Regis Edwardi filii Regis Henrici tercio luna currente per tres in crastino circumsicionis Domini facta fuit hec convencio et affidata inter Iohannem de Patishull filium et heredem bone memorie Domini Simonis de Pateshill ex parte una et Fratrem Thomam de la Feune tenentem locum magistri milicie Templi in Anglia ac Fratrem Robertum le Scropp tunc preceptorem de Coneley et alios eiusdem milicie Fratres ex altera videlicet quod predictus Iohannes pro se et heredibus suis vel assignatis suis concessit dimisit et ad firmam tradidit predictis magistro et Fratribus et eorum successoribus totam terram suam quam habuit in villa et teritorio de Cheles cum omnibus suis pertinenciis sine aliquo retenemento habendam et tenendam predictam terram cum pertinenciis suis ut predictum est dictis magistro et Fratribus et eorum successoribus de predicto Iohanne et heredibus suis vel assignatis libere solute quiete bene et in pace cum domibus superexistentibus homagiis villenagiis redditibus wardis releviis herietis escaetis et omnibus aliis libertatibus et liberis consuetudinibus et aysiamentis suis ut in boscis pratis pascuis et pasturis viis semitis aquis communis et omnibus aliis pertinenciis suis nominatis et non nominatis ad predictam terram qualitercumque spectantibus a dicto die circumsicionis Domini donec iidem magister et Fratres vel eorum successores undecim vesturas et fructus inde medio tempore provenientes plenarie reciperint et asportaverint Reddendo inde annuatim dicto Iohanni et heredibus suis centum solidos sterlingorum ad festum Sancti Michaelis pro omnibus serviciis consuetudinibus exaccionibus sectis shirum hundredorum curiarum de Bedeford et aliorum dominorum quorumcumque et pro aliis secularibus demandis tam regalibus quam non regalibus forinsecis et omnibus fortunis aliis in regno venientibus et sciendum est quod iidem magister et Fratres triginta marcas sterlingorum pro firma primorum quatuor annorum dicto Iohanni premanibus pacaverint Et sic predicti magister et Fratres a solucione predicti redditus centum solidorum usque ad festum Sancti Michaelis in anno regni Regis Edwardi filii Henrici Regis septimo quiete remanebunt Et si iidem Iohannes et heredes sui medio tempore in fati decesserint iidem Fratres dampnum vel iacturam sustinuerint vel expensas fecerint convenit quod eius heredes vel executores nullam bonorum suorum mobilium vel immobilium habebunt administracionem nec aliqua alia debita solvantur donec eisdem magistro et Fratribus tam super dampnis expensis et iacturis que vel quas iidem Fratres sustinuerint quam eciam super dicta pecunia pro manibus soluta et ablacione firme si contigerit plenarie fuerit satisfactum dictam vero terram cum omnibus pertinenciis suis nominatis vel non nominatis ut supradictum est dictis magistro et Fratribus et eorum successoribus usque ad finem undecim annorum proximorum sequencium plenarie completorum et donec undecim vesturas inde plenarie et pacifice levaverint et asportaverint pro predicta pecunia premanibus soluta et pro predicto redditu centum solidorum dictus Iohannes et heredes sui vel assignati contra omnes homines Christianos et Iudeos et contra Dominum Regem et eius Ballivos et alios dominos quoscumque et precipue versus capitalem Dominum illius feodi warantizabunt et ab omnibus curis et sectis forinsecis et exaccionibus et fortunis defendant et acquietabunt quod si non fecerint et dicti magister et Fratres pro ipsorum defectum dampnum vel iacturam sustinuerint vel expensas facerint infra terminum supradictum licebit dictis magistro et Fratribus totam terram de Chels predictam cum omnibus suis pertinenciis in manibus suis ultra terminum undecim annorum retinere et fructus inde provenientes percipere et sibi appropriare donec per visum et consideracionem virorum legalium super dictis dampnis et expensis eisdem Fratribus fuerit satisfactum convenit insuper quod nec dictus Iohannes nec heredes sui nec assignati sui dictam terram cum ceteris suis pertinenciis vendent dabunt invadiabunt vel aliquo casu interveniente alienabant eorum consensu speciali minime requisito donec iidem Fratres totam predictam convencionem plenarie perceperint Et si contingat quod predicti magister et Fratres in solucione redditus supradicti terminis predictis quod absit cessaverint licebit predicto Iohanni et heredibus suis predictam terram sine aliqua dictorum Fratrum vel eorum hominum contradiccione distringere donec sibi vel heredibus suis super hoc plenarie fuerit satisfactum et ut hec omnia suprascripta fideliter firmiter et sine fraude vel diminucione teneantur predictus Frater Robertus le Scropp pro magistro milicie Templi et eiusdem milicie Fratribus Et dictus Iohannes de Pateshull pro se et heredibus suis vel assignatis quibuscumque bipartitum sigillorum suorum munimine sub alternacione corroboraverint Hiis testibus Iohanne Iuvene de Standon Osberto Gladesan de Benyngho Galfrido Rivell de eadem Willelmo ad Fontem de eadem Osberto de Waterford Simone Gobion de Stapelford Waltero Lemoy de eadem magistro Nicholao de Mosele tunc procuratore generali milicie Templi in Anglia Thoma de Wetewanke tunc clerico magistri milicie Templi in Anglia et multis aliis