Charter Document - 99900311

Hec est convencio facta inter Fratrem Ricardum filium Iohannis tunc gerentem vices magistri milicie Templi in Anglia et Fratres eiusdem milicie ex una parte et Vyncencium filium Osberti de Chels ex altera videlicet quod predictus Vyncencius dimisit tradidit et concessit predictis Fratri Ricardo et Fratribus suis et eorum successoribus totam terram suam et tenementum suum quod habet in Chels in parochia de Benyngho cum omnibus suis pertinenciis una cum omnibus tenentibus suis et redditibus suis in eadem parochia tenenda et habenda Fratri Ricardo et Fratribus suis et eorum successoribus usque ad finem quatuor annorum plenarie completorum termino incipiente ad pascha anno regni regis Henrici filii regis Iohannis quinquagesimo quinto cum toftis et croftis et cum omnibus pertinenciis ad predictam terram et ad predictum tenementum spectantibus et cum dote matris sue si infra terminum acciderit et cum omnibus aliis pertinenciis in boscis pratis pascuis pasturis viis semitis sepibus et fossatis et omnibus aisyamentis redditibus wardis escaetis que possunt vel poterunt predicto Vyncencio infra terminum accidere infra villam vel extra excepto capitali mesuagio ad dictam terram et tenementum pertinente quod penes predictum Vyncencium remanebit sine vendicacione predictorum magistri et Fratrum predicte milicie et sciendum est quod predicti magister et Fratres predicte milicie capient sub boscum in bosco predicti Vyncencii et quantum aliquis scando super terram de ramis arborum cum securi poterit amputare et quod nullum averium predictorum Fratrum per ipsos in predicto bosco debet imponi pro hac autem dimissione et concessione preceptorum de Dynesle qui pro tempore fuerit dabit predicto Vyncencio et heredibus suis annuatim infra dictum terminum pro qualibet acra arabili dicte terre quinque denarios et pro acra prati per annum tres solidos et pro toto bosco suo duos solidos et sic erit summa tocius solucionis per annum triginta quatuor solidos medietatem solvendos ad festum Sancti Michaelis scilicet septemdecim solidos et aliam medietatem ad pascha scilicet septemdecim solidos Ita quod estimantur ibi quinquaginta et septem acre arabiles et de prato due acre et dimidia et una roda unde si maior sit ibi numerus acra in fine termini totius sibi restituetur si vero minor sit numerus predictis Fratribus in solucionibus suis dicto Vyncencio faciend plenarie al locabo preterea dicti fratres acquietabunt dictum Vyncencium de redditu suo quem debet dominis suis infra predictum terminum que quidem acquietacio in singulis solucionibus predicto Vyncencio faciend predictis magistro et fratribus allocabitur eadem estimacio fiet de dote matris sue si infra terminum acciderit videlicet quod predicti Fratres habebunt quamlibet acram terre arabilis pro quinque denarios per annum et acram prati per annum pro tribus solidos et de bosco similiter secundum quod decet predictus vero Vyncencio et heredes sui predictam terram et tenementum cum omnibus supradictis rebus et pertinenciis predictis magistro et Fratribus et eorum successoribus usque ad finem dicti termini contra omnes gentes warantizabunt acquietabunt et defendent de secta curie omnimodam iusticiar hundr comitatuum et de auxiliis donis et demandis et specialiter de omnibus vexacionibus iniustis et de omnibus arreragiis que per dictum Vyncencium aretro existunt de hiis autem que per ipsum a retro non existunt non tenebuntur Et si magister et Fratres milicie templi dampnum aliquod vel iacturam pro defectu warantie vel defensionis sive eciam acquietacionis dicti Vyncencii vel heredum suorum infra predictum terminum incurrant licebit eis dictam solucionem pecunie quam dicto Vyncencio dederent annuatim solvisse penes ipsos retinere quousque dampna sua sint eisdem plenarie restaurata si vero dicta solucio non sufficit ad dampnum predictorum Fratrum restaurand licitum sit eis predictam terram et tenementum cum omnibus pertinenciis ultra terminum prescriptum penes ipsos retinere ita quod dictus Vyncencius sive heredes sui de predicta terra et tenemento quicquam non percipient donec per visum legalium hominum dampna sua sint eisdem plenarie restaurata premissis quidem omnibus et singulis completis predicta terra cum omnibus pertinenciis predicto Vyncencio et heredibus suis sine contradiccione predictorum magistri et Fratrum revertetur Et ad maiorem securitatem ex utraque parte observando tam Frater Ricardus filius Iohannis tunc gerens vices magistri milicie Templi in Anglia pro se et pro predictis Fratribus et suis successoribus quam predictus Vyncencius pro se et heredibus suis huic scripto cirographato alternatim sigilla sua apposuerunt Hiis testibus Waltero de Halsted Osberto de Gladefen Galfrido Revell Rogero de Insula Iohanne le Moyne de Stapelford Iohanne le Ioune de Staundon Willelmo de Taveny Willelmo Russell et aliis