Charter Document - 99900253
| Charter Number: | 99900253 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Religious |
| Charter Type(s): | Warranty |
| Date: | 1300 |
| Date type: | Internal, Regnal |
| Resource Link(s): |
|
Charter:
Sciant presentes et futuri quod nos Edmundus comes Cornubie dedimus concessimus et presenti carta nostra confirmavimus pro salute anime nostre et animarum omnium antecessorum et successorum nostrorum Deo et Beate Marie et Magistro et Fratribus Milicie Templi Salomonis in Anglia et eorum propriis tenentibus de Craunford communiam tocius pasture et bruere nostre infra limites hundredi nostri de Istelunorth videlicet a villa de Craunford usque villam de Tuykenham in longitudine et a ponte de Babbennorthepond usque villam que vocatur Hundeslawe in latitudine habend et tenend dictam communiam pasture et bruere cum suis pertinenciis dictis Magistro et Fratribus ac eorum tenentibus supradictis de nobis et heredibus nostris in liberam puram et perpetuam elemosinam et nos Edmundus et heredes nostri dictam communiam pasture et bruere cum suis pertinenciis prefatis Magistro et Fratribus ac eorum tenentibus predictis ut predictum est contra omnes homines ut nostram liberam puram et perpetuam elemosinam warantizabimus In cuius rei testimonium presenti carte sigillum nostrum duximus apponend[o] Hiis testibus domino Hugone Abbate de Hayles Waltero de Aylesbury Rogero de Merlawe Willelmo Merre tunc Senescallo nostro de Berchamstede et aliis Datum apud Hayles tercio die decembris anno regni Regis Edwardi vicesimo octavo