Charter Document - 99900240
| Charter Number: | 99900240 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1333 |
| Date type: | Internal, Regnal |
| Resource Link(s): |
|
Charter:
Edwardus dei gracia Rex Anglie Dominus Hibernie et Dux Aquitannie dilecto sibi Willelmo de Northeo escaetori nostro in comitatibus Surr[] Sussex[] Kanc[] et Midd[] salutem Volentes certis de causis quod Thesaurarius et barones de Scaccario nostro cerciorentur que maneria terras et tenementa prior hospitalis Sancti Iohannis Ierusalem in Anglia tenuit in balliva tua in festo Sancti Michaelis anno regni nostri primo tam videlicet de maneriis terris et tenementis ad ipsum hospitale ab antiquo spectantibus quam de illis que ad magistrum et Fratres Milicie Templi in Anglia nuper spectabant et quantum inde idem prior tunc tenuit in dominico et quantum alii ad firmam vel alias ad terminum vite vel annorum seu alio quocumque titulo ex dimissione ipsius prioris seu predecessorum suorum tenuerunt ac eciam de nominibus eorundem Firmariorum vel aliter quicquam tenencium ex dimissione huiusmodi et similiter maneriorum predictorum et locorum ubi alia terre et tenementa predicta existunt tibi mandamus quod habita informacione super illo prefatos thesaurarium et barones de scaccario nostro apud Eborum in crastino Sancti Michaelis distincte et aperte reddas cerciores hoc breve ibidem remittens teste magistro Ricardo de Ayleston[] archidiacono Berk[] Thesaurario nostro apud Eborum xxvi die iulii anno regni nostri septimo