Charter Document - 99900238
| Charter Number: | 99900238 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1253 |
| Date type: | Internal, Regnal |
| Resource Link(s): |
|
Charter:
Magister Milicie Templi in Anglia summonitus fuit ad respondendum Domino Regi de placito quo waranto clamavit habere visum Franci plegii emendas assise panis et cervice fracte in Lilleston[] [] Et magister venit et dicit quod dominus H[enricus] Rex pater Regis nunc anno regni sui tricesimo septimo per cartam suam concessit et confirmavit Deo et Beate Marie et Fratribus Milicie Templi Salomonis omnes rationabiles donaciones terrarum hominum et elemosinarum a quocumque collatas et imposterum conferendas vel alio modo adquisitas vel adquirendas et voluit et firmiter precepit quod predicti Fratres et eorum homines omnes possessiones et elemosinas suas haberent et tenerent cum omnibus libertatibus et liberis consuetudinibus [] cum soca et saca Tol et Theam infangethef utfangenthef hamsokne gridbrich Blodewyte Fitwyt Flitwyt Ferdwyt hengwyte leyrwyte Flemeneffrith murdro latrocinio Forestall ordel et orest infra tempus et extra tempus in omnibus locis cum omnibus causis que sunt vel esse possunt [] Et concessit eis omnia predicta et omnia alia servicia secularia et consuetudines que in predicta carta non comprehenduntur in perpetuam elemosinam cum omnibus libertatibus et liberis consuetudinibus quas regia potestas liberiores alicui domini religionis conferre potest [] Et Dominus Rex nunc inspecta carta predicta per cartam suam anno regni sui nono predictas concessionem et confirmacionem ratas habens et gratas pro se et heredibus suis quantum in se fuit predictis magistro et Fratribus et eorum successoribus concessit et confirmavit [] Et profert predictam cartam predicti Domini Regis nunc que hoc idem testatur unde dicit quod ratione predictarum concessionum et confirmacionum clamavit ipse habere predictas libertates in predicta villa [] Et Iohannes de Mutford[] qui sequitur pro Rege dicit quod predictus magister ea ratione predictas libertates habere non debet quia dicit quod predictus magister non tenuit predictum manerium tempore confeccionis predicte carte Domini H[enrici] Regis nec aliquis predecessor predicti magistri Et hoc paratus est verificare [] Et predictus magister profert predictam cartam predicti Domini H[enrici] Regis que testatur quod idem Rex concessit et confirmavit Deo et Beate Marie et Fratribus Milicie Templi Salomonis donacionem et concessionem quam Otho filius Willelmi eis fecit de manerio de Lilleston[] cum omnibus pertinenciis suis excepto officio pertinente ad dictum manerium de cuneo Regis custodiendo et excepto redditu assis[] infra civitatem London[] habend[] et tenend[] eisdem Fratribus imperpetuum in liberam puram et perpetuam elemosinam [] Iohannes predictus magister inde sine die salvo iure Regis []