Charter Document - 99900235
| Charter Number: | 99900235 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Royal |
| Charter Type(s): | Agreement |
| Date: | 1237 |
| Date type: | Internal, Regnal |
| Resource Link(s): |
|
Charter:
Henricus dei gracia Rex Anglie Dominus Hibernie [] archiepiscopis episcopis [] salutem Sciatis quod convencionem factam inter Othonem filium Willelmi ex una parte et Fratrem Robertum de Saunford Magistrum et ceteros Fratres Milicie Templi ex altera de manerio ipsius Othonis de Lilleston cum pertinenciis suis omnibus excepto officio pertinente ad idem manerium de cuneo nostro custodiendo et excepta quadam parte terre et bosci quam idem Otho dedit eisdem Fratribus in liberam elemosinam sicut plenius continetur in carta quam ipsi magister et Fratres habent de eodem Othone quod quidem manerium idem Otho concessit et dimisit eisdem magistro et Fratribus tenend a Pascha anno regni nostri decimo nono in xl annos proximos sequentes plene completos gratam habemus et acceptam ipsam que pro nobis et heredibus nostris concedimus et sigillo nostro confirmavimus quare volumus et firmiter precipimus pro nobis et heredibus nostris quod predicti magister et Fratres Milicie Templi habeant et teneant predictum manerium de Lilleston cum omnibus pertinenciis suis excepto predicto officio de cuneo nostro custodiendo et quadam parte terre et bosci quam idem Otho eis dedit in liberam elemosinam bene et in pace libere et quiete usque ad predictum terminum quadraginta annorum plene completorum sicut predictum est et sicut cirographum inter eos inde confectum rationabiliter testatur Hiis testibus R[icardus] Dunelmi episcopo Willelmo comite Warenne Simone de Monte Forti Willelmo de Falegh et aliis Datum per manum venerabilis patris R[adulfi] Cicestren episcopi cancellarii nostri apud Westmonasterium xxii die marcii anno regni nostri vicesimo primo Patentes Regis Henrici tercii