Charter Document - 99900215

Hec indentura testatur quod nos frater Iohannes Radyngton[] prior et fratres hospitalis Sancti Iohannis Ierusalem in Anglia unanimi assensu et voluntate concessimus et ad firmam dimisimus Stephano Speleman civi et mercenario London[] totam terram nostram vacuam et aquosam in comitatu Surr[] que iacet ex opposito London[] coram sua propria terra ex altera parte Thamisie que quidem placea terre iacet divisim in duabus partibus videlicet una parcella inde a dominio episcopi Wynton[] ex parte orientali usque molendinum nostrum de Wyles ex parte occidentali et altera parcella iacet a predicto molendino de Wyles usque dominium de Kenyngton[] que quidem due partes iacent in longitudine inter viam qua itur de les Stywes usque lambhuth[] ex parte australi et Thamisiam ex parte boriali habendas et tenendas predictas vacuas placeas terre cum suis pertinenciis prefato Stephano heredibus et assignatis suis a festo Pasche proximo futuro post datam presencium usque ad finem sexaginta annorum extunc proximo sequencium et plenarie completorum reddendo inde annuatim nobis et successoribus nostris ad thesaurariam nostram de Clerkenwelle duodecim denarios sterlingorum ad festum Sancti Michaelis pro omnibus serviciis Et si predictus redditus duodecim denariorum aretro fuerit in parte vel in toto post terminum predictum per dimid[] annum tunc bene liceat nobis et successoribus nostris in dictas placeas reingredi et illas retinere imperpetuum una cum omnibus bonis in ipsis tunc inventis sine contradiccione aliquali proviso tamen quod ista indentura renotetur quolibet vicesimo anno alioquin dicta placea terre cum pertinenciis suis in religionem tunc revertantur In cuius rei testimonium sigillum nostrum commune et sigillum dicti Stephani hiis indenturis alternatim sunt appensa Datum apud Clerkenwelle in celebracione capituli nostri ibidem die martis proximo post festum Sancti Barnabe apostoli anno regni Regis Ricardi secundi post conquestum decimo septimo