Charter Document - 99900194
| Charter Number: | 99900194 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Religious |
| Charter Type(s): | |
| Date: | 1431 |
| Date type: | Internal, Regnal |
| Resource Link(s): |
|
Charter:
Omnibus Christi fidelibus ad quos presens scriptum pervenerint Iohannes Fray unus Baronum de scaccario Domini Regis et Henricus Frowyk civis et aldermannus London[] salutem in Domino sempiternam Noverit universitas vestra nos prefatos Iohannem et Henricum ordinasse et loco nostro constituisse dilectos nobis Robertum Warner civem London[] et Ricardum Laurence nostros veros et legitimos attornatos coniunctim divisim ad liberandum nomine nostro plenam seisinam Simoni Hulles clerico in viginti et quatuor mesuagiis cum gardinis eisdem adiacentibus et decem acris terre cum suis pertinenciis iacentibus in Holbourne extra barram veteris Templi London[] in comitatu Midd[elsexie] inter tenementum nuper Willelmi Foot ex parte orientali et tenementum magistri hospitalis Sancti Egidii ex parte occidentali et regiam viam sive stratam de Holbourne ex parte boriali et campum vocatum Fyketteswfeld ex parte australi iuxta formam cuiusdam scripti indentati per nos prefato Simoni inde confecti ratum et grat[] habitur[] quicquid predicti Robertus et Ricardus nomine nostro fecerint aut alter eorum fecerit in premissis In cuius rei testimonium huic presenti scripto sigilla nostra apposuimus Datum apud Holbourne predict[] die dominica primo die mensis iulii anno regni Regis Henrici sexti post conquestum nono