Charter Document - 99900192
| Charter Number: | 99900192 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1431 |
| Date type: | Internal, Regnal |
| Resource Link(s): |
|
Charter:
Universis et singulis Christi fidelibus presens scriptum visuris vel audituris Thomas Pynchon[] Thomas Frowyk Ricardus Baynard Adam Buk Willelmus Combe Iohannes Notebroun[] Michael Randolf Walterus Dawtre Iohannes Stanes de Hese et Henricus Aubre salutem in domino sempiternam Noveritis nos remisisse relaxasse et omnino de nobis et heredibus nostris inperpetuum quietum clamasse Henrico Frowyk et Iohanni Fray heredibus et eorum assignatis inperpetuum totum ius nostrum statumque et clameum que unquam habuimus habemus seu aliquo modo iure vel titulo in futurum habere poterimus aut aliquis nostrum per se habere poterit de et in viginti et quatuor mesuagiis cum gardinis ex omnibus partibus adiacentibus et decem acris terre arabilis cum omnibus suis pertinenciis iacentibus in Holburne extra barram veteris Templi London[] in comitatu Midd[elsexie] videlicet inter tenementum quondam Willelmi Foot ex parte orientali et tenementum hospitalis Sancti Egidii ex parte occidentali et viam regiam ex parte boriali et campum vocatum Fykettesfeld ex parte australi que quidem viginti et quatuor mesuagia cum gardinis ex omnibus partibus adiacentibus et decem acris terre arabilis cum omnibus suis pertinenciis nos predicti Thomas Pynchon[] Thomas Frowyk Ricardus Baynard Adam Buk Willelmus Combe Iohannes Notebroun[] Michael Randolf Waltero Dawtre Iohannes Stanes et Henricus Aubre simul cum prefato Henrico Frowyk et Iohanne Fray inter alias terras arabiles cum suis pertinenciis divisim iacentibus nuper coniunctim habuimus ex dono concessione et confirmacione Roberti Warener civis London[] Ita videlicet quod nec nos predicti Thomas Pynchon[] Thomas Frowyk Ricardus Baynard Adam Buk Willelmus Combe Iohannes Notebroun[] Michael Randolf Walterus Dawtre Iohannes Stanes et Henricus Aubre nec aliquis nostrum nec heredes nostri nec alicuius nostrum aliquid iuris vel clamei in predictis viginti et quatuor mesuagiis cum gardinis ex omnibus partibus adiacentibus et decem acris terre arabilis cum omnibus suis pertinenciis nec in aliqua parcella eorundem de cetero exigere clamare seu vendicare poterimus nec debemus in futurum set ab omni accione iuris et clamei inde petend[] totaliter sumus exclusi inperpetuum per presentes In cuius rei testimonium huic presenti scripto nostro sigilla nostra apposuimus Datum vicesimo die mensis maii anno regni Regis Henrici sexti post conquestum Anglie nono