Charter Document - 99900184

Sciant presentes et futuri quod ego Iohanna que fui uxor Iohannis Knott nuper civis et cissoris London[] in pura viduetate mea et legitima potestate dedi concessi et hac presenti carta indentata mea confirmavi Iohanni Knott Radulpho Shakelache cissoribus et Nicholao Bury Sporier civibus London[] totum tenementum meum cum gardino adiacente et suis pertinenciis situatum in parochia Sancti Andree de Holebourne extra barram Veteris Templi London[] scilicet inter cotagium et terram prioris et conventus domus beate Marie Cartusien[sis] London[] ex partibus occidentali et boriali et tenementum quondam Willelmi Knott ex parte orientali et viam regiam ibidem ex parte australi dedi eciam concessi et hac presenti carta mea indentata confirmavi prefatis Iohanni Knott Radulpho Shakelache et Nicholao Bury viginti et quatuor mesuagia cum gardinis et decem acris terre adiacentibus situata in parochia Sancti Egidii leprosorum extra predictam barram Veteris Templi scilicet inter tenementum nuper Willelmi Foot ex parte orientali et solum domus Sancti Egidii predict[] ex parte occidentali et campum vocatum Fykettesfeld[] ex parte australi et viam regiam ibidem ex parte boriali quod quidem tenementum cum gardino adiacente et suis pertinenciis simul cum viginti et quatuor mesuagiis predictis cum gardinis et decem acris terre et suis pertinenciis predictus Iohannes Knott nuper vir meus iam defunctus et ego predicta Iohanna nuper coniunctim habuimus nobis heredibus et assignatis nostris inperpetuum ex dono et feoffamento Iohannis Orchard[] et Willelmi Morys civium London[] prout in quadam carta inde nobis confecta cuius Datum est apud Holebourne die dominica proximo ante festum Apostolorum Philippi et Iacobi anno regni Regis Henrici quarti post conquestum quarto liquet manifeste habendum et tenendum predictum tenementum cum gardino adiacente et suis pertinenciis necnon predicta viginta et quatuor mesuagia cum gardinis et decem acris terre adiacentibus et suis pertinenciis prefatis Iohanni Radulpho et Nicholao heredibus et assignatis eorum inperpetuum de capitalibus dominis feodi illius per servicia inde debita et de iure consueta necnon reddendo inde annuatim michi prefate Iohanne et assignatis meis durante vita mei dicte Iohanne quindecim solidos et duos denarios sterlingorum ac obulum ad quatuor anni terminos principales videlicet ad festa Natalis Domini Pasche Nativitatis Sancti Iohannis Baptiste et Sancti Michaelis Archangeli per equales porciones Et si contigat dictum annuum redditum quindecim solidorum et duorum denariorum sterlingorum ac obuli aretro esse ad aliquem terminum supradictum in parte vel in toto non solutum vita mei dicte Iohanne durante extunc bene licebit michi prefate Iohanne et assignatis meis aut meo certo attornato in predicto tenemento cum gardino adiacente et suis pertinenciis necnon in predictis viginti et quatuor mesuagiis cum gardinis et decem acris terre et suis pertinenciis intrare et distringere districtiones que captas licite asportare abducere et retinere quousque de predicto annuo redditu et arreragiis eiusdem si que [finaliter] michi plenarie fuerit satisfactum et persolutum Et ego predicta Iohanna et heredes mei totum predictum tenementum cum gardino adiacente et suis pertinenciis necnon predicta viginti et quatuor mesuagia cum gardinis et decem acris terre adiacentibus et suis pertinenciis prefatis Iohanni Radulpho et Nicholao heredibus et assignatis eorum contra omnes gentes warantizabimus inperpetuum In cuius rei testimonium uni parti huius carte indentate penes predictos Iohannem Knott Radulphum et Nicholaum remanenti ego predicta Iohanna sigillum meum apposui et alteri vero parti huius carte indentate penes me prefatam Iohannam remanenti predicti Iohannes Knott Radulphus et Nicholaus sigilla sua apposuerunt Hiis testibus Iohanne Frensshe Roberto Hore Willelmo Barbour Thoma Baker Iohanne Haunne Willelmo Estelby Roberto Knyght Iohanne Robyn Ricardo Plotte et aliis Datum apud Holebourne predict[] terciodecimo die mensis octobris anno regni Regis Henrici quinti post conquestum quarto