Charter Document - 99900183
| Charter Number: | 99900183 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1416 |
| Date type: | Internal, Regnal |
| Resource Link(s): |
|
Charter:
Omnibus Christi fidelibus ad quos presens scriptum pervenerit ego Ricardus Knotte filius et heres Iohannis Knotte nuper civis et cissoris London[] et Iohanne uxoris eius salutem in domino sempiternam Noveritis me prefatum Ricardum remisisse relaxasse et omnino de me et heredibus meis inperpetuum quietum clamasse Iohanni Knotte Radulpho Shakelache cissoribus et Nicholao Bury Sporier civibus London[] heredibus et assignatis eorum inperpetuum totum ius meum et clameum que unquam habui habeo seu quovismodo iure vel titulo in futurum habere potero de et in toto illo tenemento cum gardino adiacente et suis pertinenciis situato in parochia Sancti Andree de Holebourne extra barram veteris Templi London[] ac eciam in illis viginti et quatuor mesuagiis cum gardinis et decem acris terre adiacentibus situatis in parochia Sancti Egidii leprosorum extra predictam barram veteris Templi que dicti Iohannes Knotte Radulphus et Nicholaus nunc habent in eorum possessione ex dono et feoffamento predicte Iohanne matris mee Ita videlicet quod nec ego dictus Ricardus Knott nec heredes mei nec aliquis alius per nos pro nobis seu nomine nostro aliquid iuris vel clamei in dicto tenemento cum gardino adiacente et suis pertinenciis nec in dictis viginti et quatuor mesuagiis cum gardinis et decem acris terre adiacentibus cum suis pertinenciis nec in aliqua parcella eorundem decetero poterimus exigere vel vendicare nec reclamare debemus quovismodo in futurum Set ab omni accione iuris clamei et demand[e] inde sumus penitus exclusi inperpetuum per presentes Et ego vero predictus Ricardus Knott et heredes mei totum predictum tenementum cum gardino adiacente et suis pertinenciis necnon predicta viginti et quatuor mesuagia cum gardinis et decem acris terre adiacentibus et suis pertinenciis prefatis Iohanni Knotte Radulpho et Nicholao heredibus assignatis eorum contra omnes gardinis warantizabimus inperpetuum In cuius rei testimonium huic presenti scripto meo sigillum meum apposui Datum apud Holebourne predict[] decimo septimo die mensis octobris anno regni Regis Henrici quinti post conquestum quarto