Charter Document - 99900182

Sciant presentes et futuri quod nos Bertramus Compton[] dictus Walcote Candellarius et Thomas Bricet cives London[] concessimus et hac presenti carta nostra confirmavimus Roberto Warener civi London[] Ricardo Baynard Thome Pynchoun et Iohanni Brykville illas sexaginta solidatas sterlingorum annui liberi et quieti redditus exeunt[] et quas percipere solebamus de viginti et quatuor mesuagiis cum gardinis et suis pertinenciis et decem acris terre arrabilis cum suis pertinenciis iacent[] in Holbourne extra barram veteris Templi London[] in comitatu Midd[elsexie] que quondam fuerunt Iohannis Sely olim civis et pelliparii London[] et postea Iohannis Excestre Cappere et Cecilie uxoris eius et que quidam Iohannes Knotte nuper tenuit et Iohanna uxor eiusdem Iohannis Knott nunc tenet et quas quidem sexaginta solidatas redditus nos predicti Bertramus et Thomas Bricet simul cum Waltero Kyng[] grocero iam defuncto nuper coniunctim habuimus nobis heredibus et assignatis nostris inperpetuum ex dono et concessione Iohannis Walcote nuper civis London[] prout in quadam carta inde nobis confecta cuius Datum est apud Holbourne undecimo die mensis aprilis scilicet in festo Pasche anno regni Regis Henrici quarti post conquestum septimo liquet manifeste habend[] tenend[] et percipiend[] dictas sexaginta solidatas sterlingorum annui liberi et quieti redditus de predictis viginti et quatuor mesuagiis et decem acris terre arabilis cum omnibus eorum pertinenciis annuatim ad quatuor anni terminos scilicet ad festa Pasche Nativitatis Sancti Iohannis Baptiste Sancti Michaelis Archangeli et Natalis Domini per equales porciones prefatis Roberto Warener Ricardo Baynard Thome Pynchoun et Iohanni Brikville heredibus et assignatis eorum inperpetuum Et si contingat dictas sexaginta solidatas annui redditus aretro esse ad aliquem terminum supradictum in parte aut in toto non solut[as] extunc bene licebit dictis Roberto Warener Ricardo Baynard Thome Pynchoun et Iohanni Brikville heredibus et assignatis eorum in predictis viginti et quatuor mesuagiis et decem acris terre arabilis cum suis pertinenciis universis et in qualibet parcella eorundem intrare et distringere districtiones que captas licite asportare abducere et retinere quousque de predicto annuo redditu et arreragiis eiusdem si que fuerint una cum omnibus dampnis misis et expensis ea occasione habit[] eis plenarie fuerit satisfactum et persolutum In cuius rei testimonium huic presenti carte nostre sigilla nostra apposuimus Hiis testibus Thoma Charleton[] Willelmo Norton[] Iohanne Lylleston[] Ricardo Moordon[] Roberto Pyke Iohanne Frensshe Thoma Kentebury et aliis Datum apud Holbourne predicto vicesimo die mensis Februarii anno regni Regis Henrici quarti post conquestum undecimo