Charter Document - 99900181
| Charter Number: | 99900181 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1410 |
| Date type: | Internal, Feast, Regnal |
| Resource Link(s): |
|
Charter:
Omnibus Christi fidelibus ad quos presens scriptum pervenerit Cristina nuper uxor Iohannis Walcote nuper civis London[] salutem in domino sempiternam Noveritis me predictam Cristinam relictam dicti Iohannis Walcote in pura viduetate mea et legitima potestate remisse ralaxasse ac omnino et inperpetuum quietum clamasse Roberto Warener civi London[] Ricardo Baynard Thome Pynchon[] et Iohanni Brykville heredibus et assignatis eorum inperpetuum totum ius meum clameum et demand[] que unquam habui habeo aut quovissmodo habere potero in futurum racione dotis mee seu alicuius alterius cause cuiuscumque in illis tribus acris terre arabilis cum suis pertinenciis divisim iacentibus in parochiis Sancti Egidii in Holbourne et Sancte Margarete Westm[] que quondam fuerunt predicti Iohannis Walcote nuper viri mei et quas predicti Robertus Warner Ricardus Baynard[] Thomas Pynchon[] et Iohannes Brykville habent in eorum possessione ex feoffamento Bertrami Compton[] dicto Walcote Candellario et Thome Bricet civium London[] necnon in illis sexaginta solidatis sterlingorum annui liberi et quieti redditus exeuntibus et quas dictus Iohannes Walcote dudum viri mei percipere solebat de viginti et quatuor mesuagiis cum gardinis et suis pertinenciis et decem acris terre arabilis cum suis pertinenciis in Holbourne extra barram veteris Templi London[] in comitatu Midd[elsexie] que quondam fuerunt Iohannis Sely nuper civis et Pelliparius London[] et quas predicti Robertus Warener Ricardus Baynard Thomas Pynchon[] et Iohannes Bykville eciam habent in eorum possessione ex concessione predictorum Bertrami et Thome Bricet Ita videlicet quod nec ego predicta Cristina nec aliquis per me pro me seu meo nomine in predictis tribus acris terre et sexaginta solidatis annui redditus cum suis pertinenciis seu in aliqua parcella inde racione dotis mee seu alicuius alterius cause cuiuscumque aliquid iuris seu clamei de cetero potero exigere seu vendicare nec reclamare debeo quovismodo in futurum Sed ab omni accione iuris et demand[] inde petend[] totaliter sum exclusa per presentes inperpetuum In cuius rei testimonium huic presenti scripto meo sigillum meum apposui Datum vicesimo octavo die mensis Februarii anno regni Regis Henrici quarti post conquestum undecimo