Charter Document - 99900179

Omnibus Christi fidelibus ad quorum noticiam presens carta pervenerit ego Iohannes Walcote civis London[] salutem in domino sempiternam Cum Iohannes Sely nuper civis et Pelliparius London[] dederit et concesserit Iohanni Excestr[] cappere et Cecilie uxori sue viginti et quatuor mesuagia cum gardinis et suis pertinenciis et decem acras terre arrabilis cum pertinenciis iacentes in Holbourne extra barram veteris templi London[] in comitatu Midd[elsexie] habenda et tenenda eisdem Iohanni Excestr[] et Cecilie uxori sue ac heredibus et assignatis ipsius Iohannis Excestr[] reddendo inde annuatim prefato Iohanne Sely heredibus et assignatis suis sexaginta solidatas annui redditus ad quatuor anni terminos videlicet ad festa Sancti Michaelis Archangeli Natalis Domini Pasche et Nativitatis Sancti Iohannis Baptiste per equales porciones prout in quodam scripto indentato inde inter eos confecto plenius continetur Et qui quidem Iohannes Sely postmodum dedit et concessit predictas sexaginta solidatas annui liberi et quieti redditus michi dictis Iohanni Walcote Iohanni Loney Willelmo Olyner et Iohanni Leycestr[] civibus London[] habendas tenendas et percipiendas predictas sexaginta solidatas annuatim de predictis viginti et quatuor mesuagiis et decem acras terre arrabilis cum pertinenciis ad quatuor anni terminos supernis limitat[] nobis prefatis Iohanni Walcote Iohanni Loneye Willelmo Olyner et Iohanni Leycestr[] heredibus et assignatis nostris inperpetuum prout in predicto scripto ipsius Iohannis Sely nobis inde confecto cuius datum est apud Holbourne predicto decimo die Decembris anno regni Regis Ricardi secundi quarto decimo plenius poterit apparere Qui quidem Iohannes Loney Willelmus Olyner et Iohannes Leycestr[] iam mortui sunt per quorum mortem ius de predicto annuo redditu sexaginta solid[atarum] in me dicto Iohanne Walcote restat et ad me et heredes meos et assignatos spectat Et que quidem mesuagia et terram quidam Iohannes Knott nuper tenuit Noveritis me dicto Iohannem Walcote dedisse concessisse et hac presenti carta mea confirmasse Waltero Kyng Grocero Bertramo Compton[] dicto Walcote Candellario et Thome Brycet civibus London[] predictas sexaginta soldatas annui liberi et quieti redditus percipiend[] de predictis viginti et quatuor mesuagiis et decem acras terre arrabilis cum omnibus suis pertinenciis ad quatuor anni terminos supradictos per equales porciones prefatis Waltero Kyng Bertramo et Thome Brycet heredibus et eorum assignatis inperpetuum Et si contingat dictas sexaginta solidatas annui redditus aretro esse ad aliquem terminum supradictum in parte aut in toto non solut[as] ex tunc bene licebit prefatis Waltero Kyng Bertramo et Thome heredibus et eorum assignatis in predictis viginti et quatuor mesuagiis et decem acris terre arrabilis cum suis pertinenciis universis et in qualibet parcella inde intrare et distringere districciones que captas licite asportare abducere et retinere quousque de predicto annuo redditu et arreragio eiusdem si que fuerint una cum dampnis misis et expensis ea occasione habitur eis plenarie fuerit satisfactum et persolutum Et ego predictus Iohannes Walcote et heredes mei predictum annuum redditum sexaginta solid[atarum] percipiend[] de mesuagiis et terra predictis cum suis prefatis Waltero Kyng[] Bertramo et Thome heredibus et eorum assignatis forma prenotata contra omnes gentes warantizabimus inperpetuum In cuius rei testimonium huic presenti carte mee sigillum meum apposui Hiis testibus Ricardo Moredon[] Roberto Frewell[] Iohanne Goldbeter Iohanne Frenshe Roberto Spencer Willelmo Barbour Willelmo Crane Simone Taillour Iohanne Iay et multis aliis Datum apud Holbourne predicto undecimo die mensis aprilis scilicet in festo Pasche anno regni Regis Henrici quarti post conquestum Anglie septimo