Charter Document - 99900177
| Charter Number: | 99900177 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1390 |
| Date type: | Internal, Regnal |
| Resource Link(s): |
|
Charter:
Noverint universi per presentes nos Iohannem Patessell[] capellanum Thomam Pathorn[] et Ricardum Tiderle remisisse relaxasse et omnino pro nobis et heredibus nostris inperpetuum quietum clamasse Iohanni Walcote Iohanni Loneye Willelmo Olyner et Iohanni Leycester civibus London[] heredibus et eorum assignatis totum ius nostrum et clameum que unquam habuimus habemus seu aliquo modo habere poterimus aut aliquis nostrum habere poterit in illis sexaginta solidatis annui redditus cum pertinenciis exeuntibus de viginti quatuor mesuagiis cum gardinis et suis pertinenciis et de decem acris terre arabilis cum pertinenciis iacentibus in Holbourne extra barram veteris Templi London[] in comitatu Midd[elsexie] quem quidem annuum redditum sexaginta solidorum iidem Iohannes Walcote Iohannes Loneye Willelmus Olyner et Iohannes Leycestr[] nuper habuerunt ex dono et concessione Iohannis Sely civis et Pelliparii London[] ita vero quod nec nos prefati Iohannes Patessell[] Thomas et Ricardus nec aliquis nostrum neque heredum nostri nec aliquis alius per nos seu nomine nostro aliquid iuris vel clamei in predictis sexaginta solidatis redditus cum pertinenciis nec in mesuagiis et terra predicta cum pertinenciis seu in aliqua parcella eorundem de cetero exigere clamare seu vendicare poterimus nec debemus in futurum set ab omni accione iuris in eisdem petend[] vel clamand[] sumus exclusi inperpetuum per presentes In cuius rei testimonium presentibus sigilla nostra apposuimus Datum London[] quintodecimo die mensis decembris anno regni Regis Ricardi secundi post conquestum Anglie quartodecimo