Charter Document - 99900175
| Charter Number: | 99900175 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1390 |
| Date type: | Internal, Feast, Regnal |
| Resource Link(s): |
|
Charter:
Omnibus Christi fidelibus ad quos presens scriptum pervenerit Iohannes Sely civis et Pelliparius London[] salutem in domino sempiternam Cum nuper dederim et concesserim Iohanni Excestre cappere et Cecilie uxori sue viginti et quatuor mesuagia cum gardinis et suis pertinenciis et decem acras terre arabiles cum pertinenciis iacentes in Holbourne extra barram veteris Templi London[] in comitatu Midd[elsexie] habenda et tenenda eisdem Iohanni Excestre et Cecilie et heredibus et assignatis ipsius Iohannis Excestre reddendo inde annuatim michi prefato Iohanni Sely heredibus et assignatis meis sexaginta solidos annui redditus ad quatuor anni terminos videlicet ad festa Sancti Michaelis Archangeli Natalis Domini Pasche et Nativitatis Sancti Iohannis Baptiste per equales porciones prout in quodam scripto indentato inde inter nos confecto plenius continetur Et que quidem mesuagia et terram Iohannes Knotte modo tenet Noveritis me dominum Iohannem Sely dedisse concessisse et hoc presenti scripto meo confirmasse Iohanni Walcote Iohanni Loneye Willelmo Olyner et Iohanni Leycestr[] civibus London[] totum predictum annuum redditum sexaginta solidorum cum pertinenciis habendum tenendum et percipiendum eisdem Iohanni Walcote Iohanni Loneye Willelmo Olyner et Iohanni Leycestr[] et eorum heredibus et assignatis de mesuagiis et terra predictis cum pertinenciis inperpetuum Et si contingat predictum annuum redditum sexaginta solidorum ad aliquem terminum solucionis supradicte in parte vel in toto aretro esse non solutum tunc bene licebit prefatis Iohanni Walcote Iohanni Loneye Willelmo Olyner et Iohanni Leycestr[] heredibus et eorum assignatis in omnibus predictis mesuagiis et terra cum suis pertinenciis intrare et distringere districciones sic captas licite asportare et retinere donec de eisdem redditibus aretro existentibus plenarie fuerit sibi satisfactum Et ego predictus Iohannes Sely et heredes mei predictum annuum redditum sexaginta solidorum percipiendum de mesuagiis et terra predictis cum suis pertinenciis prefatis Iohanni Walcote Iohanne Loneye Willelmo Olyner et Iohanni Leycestr[] heredibus et assignatis suis in forma prenotata contra omnes gentes warantizabimus inperpetuum In cuius rei testimonium huic presenti scripto meo sigillum meum apposui Hiis testibus Iohanne Bygenet Willelmo Fot Iohanne Goldbeter Willelmo Chaundeller Roberto Nothelode et aliis Datum apud Holbourne predicto decimo die Decembris anno regni Regis Ricardi secundi post conquestum Anglie quartodecimo