Charter Document - 99900172
| Charter Number: | 99900172 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1316 |
| Date type: | Internal, Feast, Regnal |
| Resource Link(s): |
|
Charter:
Pateat universis per presentes quod nos magister fratres et sorores hospitalis Sancti Egidii Leprosorum extra London[] unanimi assensu nostro et tocius capituli nostri concensu remisimus et omnino pro nobis et successoribus nostris quietum clamavimus Alicie que fuit uxor Thome Sely et eorum heredibus et assignatis totum ius et clamium quod habuimus vel aliquo modo habere poterimus in una placea terre cum omnibus suis pertinenciis iacentem in parochia Sancti Egidii predicti que quedam placea terre quondam fuit in seisina Roberti Lunecote de dono et feoffamento Willelmi de Weresfeld[] quondam magistri hospitalis Sancti Egidii predicti predecessoris nostri et eiusdem loci conventus predicte Alicie heredibus assignatis suis et eorum heredibus et assignatis inperpetuum salvo nobis et sucessoribus nostris dominio nostro et eciam servicium quod inde nobis fieri consuevit annuatim et de iure fieri debet videlicet duos solidos per annum et nos predicti magister fratres et sorores et successores nostri warantizabimus acquietabimus et defendemus predicte Alicie heredibus et suis assignatis et eorum heredibus et assignatis predictam placeam terre cum omnibus suis pertinenciis contra omnes homines inperpetuum In cuius rei testimonium tam commune sigillum hospitalis nostri Sancti Egidii quam sigillum prefate Alicie partibus huius scripti indentate alternatim sunt appensa Hiis testibus Willelmo de Neuerham clerico Iohanne Hereward Willelmo de Hoo Iohanne Chese Andrea Hormede Iohanne Andrewe Galfrido clerico et aliis Datum in hospitali nostro Sancti Egidii predicto die iovis proximo post festum Sancti Valentini Martiris anno regni regis Edwardi filii Regis Edwardi nono