Charter Document - 99900166

Sciant presentes et futuri quod ego Galfridus dictus Utlawe gardinarius et Avicia uxor mea communi assensu nostro dedimus concessimus et hac presenti carta nostra confirmavimus Huberto filio nostro pro homagio et servicio suo quandam partem terre nostre quam habuimus in parochia hospitalis sancti Egidii infirmorum extra London[] illam scilicet partem que iacet in latitudine inter terram nostram ex parte orientis et mesuagium cum pertinenciis quod Gilbertus Lonecote quondam tenuit de predicto hospitali Sancti Egidii ex parte occidentis unde Egidia filia dicti Gilberti postea feofeffata fuit per Robertum fratrem suum filium eiusdem Gilberti que pars terre cum pertinenciis continet in latitudine in capite iuxta regium vicum ex parte aquilonis unam parthiam et dimidiam et tres pedes de parchiis domini Regis Henrici tercii continentibus sex decim pedes et dimidiam et in medio unam parchiam et dimidiam et duos pedes et dimidiam et in fine ex parte australi unam parchiam et dimidiam et duos pedes et in longitudine a predicto regio vico usque ad terram que fuit Simonis Trill[] sexdecim parchias videlicet quicquid ibidem habuimus vel habere debuimus vel habere potuimus in lignis lapidibus fossatis sepibus et rebus cunctis sine aliqua deminucione habend[] et tenend[] predicto Huberto et heredibus vel assignatis suis et cuicumque vel quibuscumque et quando eam dare vendere vel quocumque alio modo dimittere voluerint et eorum heredibus de nobis et heredibus nostris libere quiete bene et in pace inperpetuum Reddendo inde annuatim predicto hospitali quinque denarios et quadrantem argenti ad duos anni terminos scilicet ad festum Sancti Michaelis duos denarios et unum obulum et unum quadrantem et ad Pascha duos denarios et unum obulum et nobis et heredibus vel assignatis nostris unum obulum ad festum Sancti Michaelis pro omnibus serviciis exaccionibus secularibus demandis sectis curie et rebus cunctis Et nos prefati Galfridus et Avicia et heredes vel assignati nostri predictam terram cum omnibus pertinenciis suis predicto Huberto et heredibus vel assignatis suis et cuicumque vel quibuscumque dare vendere seu dimittere voluerint et eorum heredibus per predictum servicium unius obuli contra omnes homines et feminas Christianos et Iudeos et versus omnes gentes warantizabimus et maxime de secta curie defendemus et acquietabimus inperpetuum Et ut hec nostra donacio concessio warantizacio defensio acquietacio et presentis carte nostre confirmacio rata et statibilis finabiliter perseveret presentem cartam sigillis nostris consignavimus Et ego predicta Avicia non coactus set spontanea voluntate mea omni iure meo quodcumque nomine dotis vel quocumque alio modo in predicta terra cum pertinenciis habere debui penitus renunciam Hiis testibus Waltero capellano tunc magistro prefati hospitalis Hugone de Weleburn[] Simone de Purtepoll[] Iohanne Fabro Roberto Osgod Michaele gardinario Ricardo le Brac[] Henrico le Ferrur Roberto Lunecote Willelmo le Lindraper Willelmo Cristemasse Iohanne coco Iohanne le Calic[] Iohanne de Windesore Ricardo clerico et aliis