Charter Document - 99900163
| Charter Number: | 99900163 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1100 - 1442 |
| Date type: | Assigned |
| Resource Link(s): |
|
Charter:
Sciant presentes et futuri quod ego Matilda Osgod in legitima potestate et libera viduitate mea dedi concessi et hac presenti carta mea confirmavi Roberto Lunecote totum illud mesuagium in parochia hospitalis Sancti Egidii Leprosorum extra London[] in quo Robertus Osgod frater meus quondam habitavit quod quidem mesuagium iacet in latitudine inter terram et domos eiusdem Roberti Lonecote ex parte occidentali et mesuagium meum ex parte orientali Et extendit se in longitudine a vico regio ex parte aquilonari usque ad terram meam ex parte australi et continet in eadem longitudine duodecim particas et duos pedes de partica continente sexdecim pedes et dimidium Et in latitudine iuxta predictum vicum regium ex parte aquilonari continet duas particas excepto uno pede et in medio unam particam et sex pedes et in posteriori parte versus austrum unam particam et quinque pedes habendum et tenendum predicto Roberto Lunecote et heredibus suis et cuicumque et quibuscumque illud dare vendere assignare vel quocumque alio modo dimittere voluerint et quandocumque voluerint de me et heredibus et assignatis meis libere quiete integre bene et in pace inperpetuum Reddendo inde annuatim michi et heredibus meis seu assignatis duos denarios ad duos anni terminos videlicet ad Pascha unum denarium et ad festum Sancti Michaelis unum denarium pro omnibus serviciis consuetudinibus secularibus demandis et rebus cunctis Et ego predicta Matilda et heredes et assignati mei totum predictum mesuagium predicto Roberto Lunecote et heredibus et assignatis suis una cum omnibus aliis terris seu tenementis quas vel que ex mea habet concessione vel donacione contra omnes gentes warantizabimus et defendemus inperpetuum Pro hac autem donacione concessione confirmacione warantizacione et defensione dedit michi predictus Robertus Lunecote decem solidos sterlingorum pre manibus ingersumam Et ut omnis supradicta perpetuum firmitatis robur optineant ea presenti scripto et sigilli mei apposicione roboravi et confirmavi Hiis testibus Simone de Gardino Germo le gorgerer Willelmo Cristemasse Henrico de Thurkeby Edmundo de Borham Waltero Osgod Elya Algor Stephano de la Bachuse Iohanne Vairman Radulfo Scot Willelmo le Corduwaner tunc serviente ibidem et multis aliis