Charter Document - 99900162
| Charter Number: | 99900162 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1100 - 1442 |
| Date type: | Assigned |
| Resource Link(s): |
|
Charter:
Sciant presentes et futuri quod ego Ricardus filius Reginaldi Osgod dimisi et concessi et presenti carta confirmavi Gilberto de Lunecote filio Roberti de Lunecote unam dimidiam acram terre quam habui in parochia Sancti Egidii extra London[] que scilicet acra iacet inter terram Osberti Wrigenell[] in parte orientali et terram que fuit Willelmi Kuherd[] in parte occidentali et abuttat super campum qui vocatur Ficatesfeld[] in parte australi ex una parte et ex alia parte abuttat contra ortum Osberti Wrigenell[] in parte aquilonari habendam et tenendam sibi et heredibus suis de me et heredibus meis in feudo et hereditate libere quiete integre finabiliter Reddendo inde annuatim fratribus hospitalis Sancti Egidii duodecim denarios sterlingorum duobus terminis anni scilicet ad festum Sancti Michaelis sex denarios et ad Pascha sex denarios michi eciam et heredibus meis infra octo dies Sancti Michaelis unum denarium pro omni servicio et exaccione et rebus cunctis Ego vero Ricardus et heredes mei warantizabimus predictam dimidiam acram terre supradicto Gilberto et heredibus suis contra omnes homines et feminas et per predictum servicium versus omnes acquietabimus Pro hac igitur dimissione concessione et presentis carte confirmacione et warantizacione relaxavit predictus Gilbertus dimissionem quam Adam filius Reginaldi Osgod fecerat Roberto de Lunecote patri suo de terra quam eidem Roberto et heredibus suis incartavit per triginta solidos Item pro bono pacis hoc factum fuit in curia Magistri hospitalis sancti Egidii et pro carta habenda predictus Ricardus dedit predicto Gilberto quatuor solidos sterlingorum Hiis testibus Magistro Waltero hospitalis Sancti Egidii Andrea Bukerell[] Rogero Duce Henrico filio Willelmi Gilberto Carectario Thoma Osgod Roberto Lingedrapere Hugone de Meldeburne Willelmo Algar Edwardo Wrigenell[] Ricardo Gunter Hugone serviente Willelmo Dispensatore Alwredo filio Gilberti Carectarii