Charter Document - 99900157
| Charter Number: | 99900157 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1212 |
| Date type: | Assigned |
| Resource Link(s): |
|
Charter:
Sciant presentes et futuri quod ego magister Walterus procurator hospitalis Sancti Egidii extra London et fratres et sorores eiusdem loci consilio et assensu Andri Buk et Rogeri Duc custodum domus nostre dimisimus et concessimus et presenti carta nostra confirmavimus Rogero Tutprest totam illam terram cum pertinenciis suis quam Iohannes Darcy presbiter tenuit de nobis in eadem parochia habendam et tenendam de nobis et successoribus nostris sibi et heredibus suis vel cuicumque eam dare vel assignare voluerit in feodo et hereditate libere quiete bene et in pace finabiliter reddendo inde annuatim nobis et successoribus nostris sex solidos et duos denarios et obulum sterlingorum videlicet ad Pascha tres solidos et ad festum Sancti Michaelis tres solidos et duos denarios et obulum sine ulla contradictione et meskeninggia et sciendum est quod predictus Rogerus nec eius assignati nullatenus poterunt predictam terram Iudeis dare vendere vel invadiare vel alicui domui religionis conferre absque consilio et assensu nostro et si predictus Rogerus vel eius assignati predictam terram cum pertinenciis vendere voluerint nos et successores nostri propriores erimus omnibus aliis hominibus uno Bisancio auri nos autem predicti magister et fratres et sorores predictam terram cum pertinenciis suis predicto Rogero et heredibus suis vel eius assignatis warantizare debemus contra omnes homines et feminas inperpetuum pro hac autem dimissione concessione et warantizacione et presentis carte nostre confirmacione dedit nobis Rogerus predictus quadraginta duos solidos ingersumam et unum doleum cervisie Hiis testibus Roberto Lingedrapere Gilberto de porta Thoma Osgod Ricardo filio Simonis Roberto Brith Hugone fabro Henrico Fabro Gilberto de Lunecote Roberto Osgod Willelmo algar Iohanne serviente