Charter Document - 99900151
| Charter Number: | 99900151 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1310 |
| Date type: | Internal, Feast, Regnal |
| Resource Link(s): |
|
Charter:
Sciant presentes et futuri quod ego Iohannes de Hakeneye civis et Tannator London dedi concessi et hac presenti carta mea confirmavi Ricardo de Mordone Tannatori London totam terram meam cum domibus superedificatis et omnibus suis aliis pertinenciis quam habui de dono et feoffamento Galfridi Bonmarche quondam civis London in parochia Sancti Sepulcri in suburbio London extra Newgate que quidem terra cum domibus superedificatis et suis aliis pertinenciis sita est in latitudine inter terram et tenementum Willelmi de Hendon ex parte orientali et aquam de Holeburn ex parte occidentali et extendit se in longitudine a vico regio versus austrum usque ad terram predicti Willelmi versus aquilonem dedi insuper et concessi eidem Ricardo omnia bona vasa et utensilia in predictis domibus existencia scilicit quicquid ibidem habui vel aliquo modo habere potui seu debui quocumque iure ut in edificiis terris tenement[is] bonis vasis et utensilibus lignis lapidibus longitudine latitudine altitudine profunditate et rebus cunctis sine aliqua diminucione vel ullo retenemento habendam et tenendam predicto Ricardo heredibus suis vel suis assignatis de capitalibus dominis feodi illius per servicia inde de iure debita et consueta libere quiete integre bene et in pace in feodo et hereditate inperpetuum Reddendo inde annuatim fratribus hospitalis Sancti Iohannis de Clerkenwelle quinque solidos ad quatuor anni terminos principales in civitate London usuales equis porcionibus et heredibus Alicie Gille decem solidos ad eosdem terminos per omnibus serviciis et secularibus demandis et ego predictus Iohannes et heredes mei warantizabimus predicto Ricardo et heredibus suis vel suis assignatis totam predictam terram cum domibus superedificatis et omnibus aliis suis pertinenciis et eciam omnia bona vasa et utensilia in dictis domibus existencibus sicut predictum est contra omnes homines et feminas inperpetuum Pro hac autem donacione concessione et carte mee confirmacione et warancia dedit michi prefatus Ricardus quamdam pecunie summam pre manibus in gersumam Et ut hec mea donacio concessio et presentis carte mee confirmacio et warancia perpetuam optineant firmitatem presentem cartam sigilli mei inpressione munivi Hiis testibus Thoma Romayn tunc maiore civitatis London Rogero le Palmem et Iocobo de Sancto Edmundo tunc vicecomitibus dicte civitatis Nicholao de Farndon tunc Aldermanno illius warde Galfrido de Chelchiche et aliis Datum London die dominica proximo post festum Sancti Valentini anno regni regis Edwardi filii Regis Edwardi tercio