Charter Document - 99900150
| Charter Number: | 99900150 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1304 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus de Haliwell civis et carpentarius London et ego Emma uxor sua soror Rogeri de Eborum quondam civis et pelliparius London unanimi assensu et voluntate dedimus concessimus et hac presenti carta nostra confirmavimus Thome de Wynterton Cissori London totam terram illam cum domibus superedificatis et suis pertinenciis quam habuimus in parochia Sancti Iohannis de Walbrok London inter tenementum Roberti de Multon cissoris ex parte orientali et tenementum Iohannis le Blound ex parte occidentali et australi et vicum regium vocatur Candelwykstrete ex parte aquilon quam quidem terram cum domibus superedificatis et suis pertinenciis dictus Rogerus michi Emme supradicte in suo testimonio legavit et continet in longitudine undecim ulvas et dimidiam ulvam tribus pollicibus minus de ulvis ferreis domini Regis Anglie et in latitudine iuxta vicum regium continet tres ulvas et unum pedem et in altero capite versus austrum continet in latitudine tres ulvas et dimidiam ulvam duobus pollicibus minus de ulvis supradictis habendam et tenendam totam predictam terra cum domibus superedificatis et suis pertinenciis prefatis Thome heredibus et assignatis suis de nobis et heredibus nostris libere quiete bene et in pace in feodo et hereditate inperpetuum Reddendo inde annuatim nobis heredibus et assignatis nostris duos denarios argenti ad duos anni terminos videlicet ad festum Natalis Domini unum denarium ad festum Nativitatis Sancti Iohannis Baptiste unum denarium et heredibus Stephani de Scelineresford quadraginta denarios ad quatuor anni terminos videlicet ad quemlibet terminum decem denarios et fratribus Sancti Iohannis de Clerkenwelle decem solidos annuatim ad predictos terminos videlicet ad quemlibet terminum terminum duos solidos et sex denarios pro omnibus aliis serviciis demandis et rebus cunctis Et nos predicti Willelmus et Emma heredes et assignatis nostri totam predictam terram cum domibus superedificatis et suis pertinenciis prefato Thome heredibus et assignatis suis contra omnes gentes per predicta servicia warantizabimus acquietabimus et defendemus inperpetuum Pro hac autem donacione concessione acquietacione defensione warancia et presentis carte confirmacione dedit nobis predictus Thomas quandam summam pecunie pre manibus in gersumam Et ut omnia premissa robur perpetue firmitatis optineant presentem cartam sigillorum nostrorum inpressionibus roboravimus Hiis testibus Domino Iohanne le Blound tunc maiore civitatis London Iohanne de Burreforth et Willelmo de Coumbemartyn tunc vicecomitibus eiusdem civitatis Iohanne de Simstaple tunc Aldermanno illius warde Paulo le Botiller [] Et super hoc venit predicta Emma et forisaffidavit totum ius suum quod in tenemento predicto cum suis pertinenciis habuit vel habere potuit pro se et heredibus suis inperpetuum