Charter Document - 99900145
| Charter Number: | 99900145 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1283 |
| Date type: | Internal, Feast, Regnal |
| Resource Link(s): |
British Library - Cotton MS Nero E VI (f37r) |
Charter:
Die lune proximo post festum Sancti Iacobi Apostoli anno regni Regis Edwardi filii Regis Henrici undecimo lecta fuit una carta in qua continetur quod Willelmus Farendon civis London dedit concessit et carta sua confirmavit Henrico le Galeys civi eiusdem civitatis totam terram illam cum shopa superedificata quam habuit in foro London in parochia Beate Marie Magdelene de Milestrete que quidem shopa sita est in permentario de Westchep inter shopam Iohannis Norhampton versus orientem et shopam Roberti de Waldegrane versus occidentem et terram Hugonis Cissoris ex parte aquilon et vicum regium de Westchep ex parte australi que quidem shopa continet in longitudine quatuor ulvas et unum quarterium unius ulve de ulvis ferreis Domini Regis Anglie absque pollicibus mensuratis et in latitudine ulvas duas unum quarterum et dimidiam quarterum unius ulve et unum pollicem de eisdem ulvis absque pollicibus mensuratis et in summitate octo pedes videlicet quicquid in predictis terris et shopa habuit vel habere potuit ut in longitudine latitudine et rebus cunctis sine aliqua diminucione habend et tenend dicto Henrico heredibus et assignatis suis et cuicumque quibuscumque aut quandocumque dare vendere legare vel quocumque alio modo alienare seu assignare voluerint et eorum heredibus de dicto Willelmo heredibus et assignatis suis libere quiete bene et in pace in feodo et hereditate inperpetuum Reddendo inde annuatim dicto Willelmo heredibus vel assignatis suis unum clavum garyophylli ad Pascha et hospitali Sancti Iohannis de Clerkenwelle tresdecim solidos sterlingorum ad quatuor anni terminos in civitate London principales et usuales videlicet ad quemlibet terminum tres solidos et tres denarios pro omnibus aliis aliis serviciis et rebus cunctis videlicet quousque stagnum ultra dictam shopam fuerit edificatum et non ulterius Et ipse Willelmus predictus heredes assignati sui predictam terram cum shopa superedificata et pertinenciis suis ut predictum est prefato Henrico heredibus et assignatis suis quibuscumque contra omnes homines feminas Christianos et Iudeos warantizabunt acquietabunt et defendent inperpetuum per predictum clavum garyophylli sibi et heredibus suis perpetuo reddendo et pro predictis tresdecim solidis annuatim solvendo quousque dictum stagnum ultra shopam dictam fuerit edificatum Pro hac autem donacione concessione warancia defensione acquietacione et presentis carte sue confirmacione dedit sibi dictus Henricus viginti marcas pre manibus in gersumam et ut premissa omnia robur perpetue firmitatis optineant presentem cartam sigilli sui inpressionibus roboravit Hiis testibus []