Charter Document - 99900144
| Charter Number: | 99900144 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1283 |
| Date type: | Internal, Feast, Regnal |
| Resource Link(s): |
British Library - Cotton MS Nero E VI (f36v) |
Charter:
Die lune in vigilia purificacionis Beate Marie virginis anno regni Regis Edwardi filii Regis Henrici undecimo lecta fuit carta in qua continetur quod Iohannes le Fraunceys capellarius et Cristina uxor sua dederunt concesserunt et carta sua confirmaverunt Roberto de Leycestr et Edithe uxori sue totam domum suam cum suis pertinenciis quam habuerunt in suburbio London in parochia Sancti Sepulcri iuxta pontem de Holeburn Que domus cum suis pertinenciis sita est inter tenementum Nicholai Averey versus orientem et aquam de Holeburn versus occidentem et continet in latitudine in fronce inter tenementum predicti Nicholai et predictam aquam quinque ulvas et unum quarterium unius ulve et dimidiam quarterium et tres pollices de ullvis ferreis Domini Regis Anglia sine pollicibus mensuratis Et in parte posteriori iuxta gardinum quod fuit quondam Galfridi de Pontefratto sex ulvas sex pollices minus de eisdem ulvis Et in latitudine a vico regio usque ad gardinum predictum triginta et quatuor ulvas et dimidiam ulvam duobus pollicibus minus videlicet quicquid ibidem habuerunt vel habere poterunt seu debuerunt in edificiis terris tenementis lignis lapidibus longitudine latitudine et rebus cunctis sine ulla diminucione habend et tenend predictis Roberto et Edithe et eorum heredibus et cuicumque et quando dare dimittere vendere legare vel alio modo assignare voluerint de predictis Iohanne et Cristina et eorum heredibus libere quiete bene integre et in pace in feodo et hereditate inperpetuum Reddendo inde annuatim fratribus hospitalis Sancti Iohannis de Clerkenwelle duos solidos et sex denarios ad quatuor anni terminos principales scilicit ad festum Sancti Michaelis septem denarios et obolum et ad Natale Domini septem denarios et obolum et ad Pascha septem denarios et obolum et ad nativitatis Sancti Iohannis Baptiste septem denarios et obolum Et Stephano de Honilane et Alicia uxori sue et eorum heredibus quinque solidos ad eosdem terminos scilicit ad quemlibet terminum quindecim denarios et predictis Iohanni et Cristine et heredibus eorum unum denarium ad Pascha pro omni servicio seculari exaccione demandis et sine omni occasione Et predicti Iohannes et Cristiana et eorum heredes warantizabunt predictis Roberto et Edithe et eorum heredibus vel cuicumque dare dimittere legare vendere vel alio modo assignare voluerint totam predictam domum cum omnibus suis pertinenciis per predictum servicium versus omnes gentes tam Christianos quam Iudeos acquietabunt et defendant inperpetuum Pro hac autem donacione concessione [] dederunt nobis predicti Robertus et Editha decem marcas argenti in gersumam Hiis testibus [] Ad hanc curiam venit dicta Cristiana et foris affidavit eius suum