Charter Document - 99900143
| Charter Number: | 99900143 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1285 |
| Date type: | Internal, Feast, Regnal |
| Resource Link(s): |
|
Charter:
Die lune proximo ante festum Omnium Sanctorum anno regni Regis Edwardi filii Regis Henrici terciodecimo lecta fuit una carta in qua continetur quod Nicholaus Tannator et Olivia uxor sua dederunt concesserunt et hac presenti carta sua confirmaverunt Galfrido de Backewell Alutario totam domum suam cum suis pertinenciis quam habuerunt in suburbio London in parochia Sancti Sepulcri iuxta pontem de Holeburn que domus cum suis pertinenciis sita est in latitudine inter tenementum Galfridi quondam de pontefracto versus orientem et tenementum predicti Galfridi de Bakewell versus occidentem et extendit se in longitudine a vico regio versus austrum usque ad terram que fuit predicti Galfridi de Pontefracto versus aquilonem scilicit quicquid ibidem habuerunt vel habere poterunt sue debuerunt in edificiis terris tenement[is] lignis lapidibus longitudine latitudine et rebus cunctis sine ulla diminucione habend[am] et tenend[am] predicto Galfrido et heredibus suis vel cuicumque et quando dare vendere dimittere legare vel aliquo modo assignare voluerit de dictis Nicholao et Olivia uxore sua libere quiete bene integre et in pace in feodo et hereditate inperpetuum Reddendo inde annuatim fratribus hospitalis Sancti Iohannis de Clerkenwelle triginta denarios ad duos anni terminos videlicet ad festum Sancti Michaelis quindecim denarios et ad Pascha quindecim denarios Et heredes vel assignati Humfridi Spendelone et Isabelle uxoris sue quatuor denarios ad eosdem terminos scilicit ad utrumque terminum duos denarios et Stephano de Honylane et Alicie uxori sue quinque solidos ad quatuor anni terminos scilicet ad quemlibet terminum quindecim denarios et sibi et heredibus suis unum clavum gariopholi ad Pascha pro omnibus serviciis secularibus exaccionibus et demandis et sine omni occasione Et predicti Nicholaus et Oliva et heredes sui totam predictam domum cum pertinenciis suis predicto Galfrido et heredibus vel cuicumque dare vendere dimittere legare vel aliquo modo assignare voluerit et eorum hered warantizabunt et per servicium predictum versus omnes gentes tam Christianos quam Iudeos acquietabunt et defendent inperpetuum Pro hac autem sua donacione concessione acquietacione defensione et warancia dedit predictis Nicholao et Olive uxori sue predictus Galfridus octo marcas argenti in gersumam Et ut hec sua donacio concessio acquietacio defensio et warancia perpetue firmitatis robur optineant presentem cartam sigillorum suorum inpressionibus roboraverunt Hiis testibus Walensi tunc maiore London Stephano de Cornhill et Roberto de Rokesle tunc vicecomitibus Willelmo de Farendon tunc aldermanno eiusdem warde Willelmo de Hanersham et aliis multis []