Charter Document - 99900140
| Charter Number: | 99900140 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1274 |
| Date type: | Internal, Feast, Regnal |
| Resource Link(s): |
|
Charter:
Die lune in festo Sancti Bernabe apostoli anno regni Regis Edwardi secundo lecta fuit una carta in qua continetur quod Willelmus de Hales Buscarius et civis London dedit concessit Ricardo del Oke clerico totam illam terram suam quam habuit ex dimissione et vendicione Simonis de Banewell et Hawyse uxoris sue in parochia Sancti Andree prope castrum Baynardi et Sancti Martini de Ludgate cum omnibus edificiis superedificatis redditibus liberis introitibus et exitibus ac omnibus aliis pertinenciis suis tam non nominatis quam nominatis que quidem terra extendit se usque tenementum Isabelle Halegod versus orientem et regiam viam versus occidentem et a tenemento dicti Willelmi et tenemento Bartholomei le Lokier versus austrum usque regiam viam versus aquilonem habend[am] et tenend[am] predicto Ricardo heredibus et assignatis suis quibuscumque libere quiete [] inperpetuum Reddendo inde annuatim hospitali Sancti Iohannis de Clerkenwelle octodecim denarios equis porcionibus ad duos anni terminos et monialibus de Haliwell dimidiam marcam equaliter ad quatuor anni terminos et hospitali Beate Marie extra Bisshopesgate quinque solidos et octo denarios equis porcionibus ad quatuor anni terminos ecclesie vero Beati Andree septem solidos equis porcionibus ad eosdem terminos et Iohanni Inkel aurifabri duodecim denarios equis porcionibus ad duos anni terminos et heredibus supradictorum Simonis et Hawise unicum denarium ad Natale et dicto Willelmo de Hales heredibus et assignatis suis unum denarium ad Pascha pro omnibus serviciis consuetudinibus et secularibus demandis Et idem Willelmus heredes sive assignati sui totam predictam terram cum edificiis redditibus liberis introitibus et exitibus et omnibus aliis pertinenciis suis tam non nominatis quam nominatis eidem Ricardo heredibus et assignatis suis per servicia predicta contra omnes gentes warantizabunt defendant et acquietabunt inperpetuum Et dictus vero Ricardus del Oke dedit predicto Willelmo quatuor viginti marcas argenti pre manibus in gersumam []