Charter Document - 99900135

Universis et singulis Christi fidelibus presentes litteras visuris vel audituris Ricardus Merlawe maior et aldermanni civitatis London salutem in Domino sempiternam et prosperitatis augmentum cum honore Cupientes ex officii nobis commissi debito veritatis testimonio subvenire ut tenemur huic est quod universitati vestre ac omnibus et singulis quorum interest vel interesse poterit tenorem cuiusdam assise nove disseisine inter Fratrem Iohannem Radynton priorem Hospitalis Sancti Iohannis Ierusalem in Anglia querentem et Robertum Chircheman Stokfysshemongere et Margaretam uxorem eius defendentes capte coram Drugone Barantyn et Ricardo Whityngton nuper vicecomitibus London predicte et Iohanne Scarburgh nuper coronatore eiusdem civitatis per presentes duximus exemplificanda verba subsequencia continentes Assisa venit recognitura si Robertus Chircheman Stokfysshemongere et Margareta uxor eius iniuste [] disseisiverunt Fratrem Iohannem Radyngton priorem Hospitalis Sancti Iohannis Ierusalem in Anglia de libero tenemento suo in London videlicet in parochia Sancti Laurencii Pounteney London [] Et unde idem prior per Ricardum Forestere attornatum suum queritur quod predicti Robertus et Margareta proximo die mercurii ante festum Sancti Marci Evangeliste anno regni Regis Ricardi secundi xvi disseisiverunt eum de quadraginta solidatis redditus cum pertinenciis in parochia predicta Et predictus Robertus in propria persona sua et predicta Margareta per Iohannem Bryan attornatum suum venit et respondent ut tenentes unius mesuagii situati in parochia predicta in visu positi unde supponitur redditum predictum provenire et dicunt quod mesuagium illud est extra feodum et dominium predicti prioris Unde petit iudicium si predictus prior absque titulo liberi tenementi faciend[o] pro redditu predicto habend[am] assisam suam predictam versus eos manutenere debeat [] Et predictus prior pro titulo liberi tenementi et assisa pro redditu predicto habend[o] dicit quod ipse et omnes predecessores sui priores Hospitalis predicti fuerunt seisiti ut de iure Hospitalis sui predicti de predictis quadraginta solidatis redditus per manus tenentes mesuagii predicti a tempore quo non extat memoria quousque predicti Robertus et Margareta ipsum nunc priorem inde iniuste et sine iudicio disseisiverunt et petit quod procedatur ad capcionem assise [] Et quia predicti Robertus et Margareta ad predictum titulum prefati prioris nichil respondent recognitores assise predicte solemniter exacti fuerunt et antequam predicti recognitores in assisa predicta iurati fuerunt Predictus Robertus a curia recessit hic super quo ad requisicionem predicti prioris predicti Robertus et Margareta exacti non veniunt set quidam Iohannes Brian respondit pro eis tanquam eorum ballivus Et pro eis dicit quod ipsi nullam iniuriam seu disseisinam prefato priori de redditu predicto fecerunt Et de hoc ponit se super assisam et predictus prior similiter ideo capiatur inde inter eos assisa [] Recognitores veniunt videlicet Robertus Forster Willelmus Norton Iohannes Beauchamp Rogerus Mordon Iohannes Iurdan Iohannes Pope Hugo Talbot Iohannes Aspelond Iohannes Smart Iohannes Fers Willelmus Wilteshire et Iohannes Hude qui de consensu predicti prioris et ballivi predicti ad hoc electi trati et iurati dicunt super sacramentum suum quod predictus nunc prior fuit seisitus ut de libero tenemento de predictis quadraginta solidatis redditus cum pertinenciis exeuntibus de predicto mesuagio in eorum visu posito quousque predicti Robertus et Margareta ipsum inde iniuste et sine iudicio disseisiverunt Recognitores quale ius quesiti predictus prior habet in redditu predicto et quis predecessorum suorum fuit inde seisitus ut de iure Hospitalis sui predicti tempore Henrici Regis filii Regis Iohannis et si sit aliqua fraus sive collusio inde inter predictum priorem et prefatos Robertum et Margaretam contra formam statuti quo cauetur ne terre seu tenementa ad manum mortuam deveniant quoquo modo prelocuta dicunt super sacramentum suum quod predictus nunc prior et omnes predecessores sui priores Hospitalis predicti fuerunt seisiti ut de iure Hospitalis sui predicti de predictis quadraginta solidatis redditus cum pertinenciis per manus tenentum predicti mesuagii in eorum visu positi a tempore quo non extat memoria Et similiter dicunt super sacramentum suum quod quidam Willelmus Tothale nuper prior Hospitalis predicti predecessor predicti nunc prioris fuit seisitus de redditu predicto ut de iure Hospitalis predicti tempore Henrici Regis filii Regis Iohannis per manus tunc tenentum predicti mesuagii et cum hoc dicunt quod non est aliqua fraus sive collusio inde inter predictum nunc priorem et prefatos Robertum et Margaretam contra formam statuti predicti Recognitores eciam quesiti qualiter disseisina predicta de redditu predicto facta fuit et si disseisina illa vi et armis facta fuit necne dicunt super sacramentum suum quod predictus nunc prior per quendam Thomam Berwe servientem suum venit ad prefatos Robertum et Margaretam et peciit ab eis redditum predictum et iidem Robertus et Margareta redditum predictum solvere omnino recusarunt et sic ipsum nunc priorem inde iniuste et sine iudicio disseisiverunt et dicit quod disseisina illa vi et armis facta non fuit Recognitores eciam quesiti per quantum tempus redditus predictus aretro existit et que dampna predictus nunc prior sustinuit occasione disseisine predicte ut in misis et custagiis ultra redditum predictum dicunt super sacramentum suum quod predictus redditus aretro existit per quatuor annos iam ulterios elapsos et quod predictus nunc prior sustinuit dampna occasione disseisine predicte ut in misis et custagiis ultra redditum predictum ad valenciam quatuor marcarum Ideo cons[ideratum] est quod predictus nunc prior recuperet seisam suam de predicto redditu cum pertinenciis per visum recognitorum assise predicte et dampna sua occasione disseisine predicte que in toto se attingunt ad sexdecim marcas Et predicti Robertus et Margareta in misericordia Scriptum London predictum sub nostri maioratus officii sigillo septimo die marcii anno regni Regis Henrici quarti post conquestum undecimo