Charter Document - 99900134

Universis et singulis Christi fidelibus presentes litteras visuris vel audituris maior et aldermanni civitatis London[] salutem in Domino et prosperitatis augmentum cum honore Quia pium est et meritorium veritati testimonium perhibere huic est quod universitate vestre innotescimus per presentes quomodo die confectionis presencium comperuerunt coram nobis honorabiles viri fratres Willelmus Hilles et Iohannes Seyvell[] ordinis Milicie Hospitalis Sancti Iohannis Ierusalem in Anglia mostrantes quod cum Frater Walterus Grendon[] prior Hospitalis predicti arrainiavit quandam assisam coram Iohanne Lane et Willelmo Chichele vicecomitibus dicte civitatis tentam apud Guyhaldam civitatis predicte die sabbati proximo post festum Sanctarum Perpetue et Felicitatis anno regni Regis Henrici quarti post conquestum undecimo presencia coronatoris non expectata pro eo quod secundum consuetudinem civitatis predicte et ordinacionem inde factam solemniter exactus fuit et non venit qui quidem prior per Ricardum Forster attornatum suum questus est quod Reginaldus Curteys Armiger Willelmus Crowmer[] civis et pannarius London[] Henricus Merston[] clericus et Robertus Barber die iovis proximo ante diem inpetracionis bille assise predicte videlicet de iovis proximo ante festum Sancte Agathe Virginis anno regni regis Henrici quarti post conquestum undecimo supradicto iniuste et sine iudicio disseisiunt eum de quadraginta solidatis redditus cum pertinenciis in parochia Sancti Laurencii Pulteneye London[] in London[] Et prefati Reginaldus et Robertus in propriis personis suis venerunt et predicti Willelmus Crowmer et Henricus Merston[] non venerunt set quidam Henricus Skrune respondit pro eis tanquam eorum ballivus et dixit quod ipsi nullam iniuriam seu disseisinam inde fecerunt prefato priori et de hoc ponit se super assisam et predictus prior similiter [] Ideo capiatur inde inter eos assisa [] Et predicti Reginaldus et Robertus dicunt quod tenementa in usu posita unde predictus prior supponit redditum predictum provenire sicut unum mesuagium cum pertinenciis [] Et inde respondent ut tenentes et dicunt quod dictus Rex nunc fuit seisitus in dominico suo ut de feodo de mesuagio predicto cum pertinenciis exoneratus de redditu predicto et idem Dominus Rex mesuagium illud cum pertinenciis concessit et dimisit prefatis Reginaldo et Roberto habendum et tenendum eisdem Reginaldo et Roberto ad terminum vite eorundem Reginaldi et Roberti reservando reversionem mesuagii predicti cum pertinenciis ipso Domino Regi et heredibus suis [] Et sic dicunt quod ipsi tenent mesuagium predictum cum pertinenciis ex concessione dicti Domini Regis nunc ad terminum vite eorundem Reginaldi et Roberti reversione inde post mortem ipsorum Reginaldi et Roberti ad dictum Dominum Regem nunc et heredes suos in forma predicta spectanta Et petunt auxilium de dicto Domino Rege nunc et predictus prior dicit quod predicti Reginaldus et Robertus nichil habent in mesuagio predicto cum pertinenciis nisi coniunctim cum predictis Willelmo Crowmer et Henrico Merston[] ex feoffamento Thome Fauconer Ricardi Whityngton[] Iohannis Cosseham civium et mercerum civitatis predicte et Thome Colrede nec habuerunt die inpetracionis bille predicte Et non intend[] quod predicti Reginaldus et Robertus auxilium de Domino Rege in hac parte habere debent [] per quod idem prior petit iudicium et quod procedatur ad capcionem assise predicte allegacione predicta non obstante [] Et predicti Reginaldus et Robertus ex quo predictus prior non dedicit materiam superius per ipsos allegatos petit iudicium et quod auxilium de dicto Domino Rege nunc sibi concedatur Et quia super materia predicta videtur curia quod iidem Reginaldus et Robertus auxilium de Domino Rege in hac parte habere debent ideo habeant auxilium de ipso Domino Rege [] Et super hoc dies datus est tam predicto priori quam predictis Reginaldo et Roberto et similiter ballivo predicto apud Guyhaldam predictam usque ad proximas assisas secundum consuetudinem civitatis predicte tenendas [] Et dictum est prefato priori quod iterim sequatur penes Dominum Regem pro licencia habenda de procedendo in assisa predicta si [] Et super hoc eodem die predicti Fratres Willelmus et Iohannes nos dictos maiorem et aldermannos cum instancia debita requirentes quatinus dictum Reginaldum coram nobis venire ipsum que super veritate materie predicte examinare curaremus nos que requisicionem dictorum honerabilium virorum considerantes fore iustam ipsum Reginaldum coram nobis venire fecimus super premissis examinatur quem quidem Reginaldum coram nobis comparentem super premissis examinavimus quis vel qui ipsum ad placitandum ut predicitur informavit vel informavunt qui dixit quod nemo se informavit inde sed quod hoc habuit ex ingenio suo proprio maxime pro eo quod mesuagium predictum ruinosum fuit et annuali redditu nimis onerat[] ad inde excludendum dictum priorem et alios de redditu unde mesuagium predictum onerari deberet In quorum omnium et singulorum testimonium nostri maioratus sigillum presentibus duximus apponendum Scriptum London[] predictum octavo die mensis marcii anno regni Regis Henrici quarti post conquestum undecimo