Charter Document - 99900120
| Charter Number: | 99900120 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1100 - 1500 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Idonia de Veteri Ponte salutem in domino Noveritis me in libera viduitate et propria potestate mea intuitu caritatis et pro salute anime Domini Roberti de Veteri Ponte quondam mariti mei et pro salute anime mee et omnium antecessorum et successorum meorum dedisse concessisse et presenti carta mea confirmasse deo et Beate Marie et fratribus Milicie Templi tresdecim bovatas terre et dimidiam de hereditate mea in Oistrefeld cum omnibus pertinenciis suis et subnominatos homines terram illam tenentes cum omnibus catallis et sequelis suis scilicet Andream Tasel qui tenet unam bovatam terre cum tofto Reddendo inde annuatim septem solidos et sex denarios predictis fratribus ad tres terminos anni scilicet ad festum Sancti Bothulfi duos solidos et sex denarios et ad festum Sancti Michaelis duos solidos et sex denarios et ad Purificationem Beate Marie duos solidos et sex denarios et Simonem filium Quenyld tenentem unam bovatam terre cum tofto eodem modo Widonem qui tenet unam bovatam terre cum tofto eodem modo Willelmum filium Walteri tenentem unam bovatam terre cum tofto eodem modo Thomam filium Mabill qui tenet unam bovatam terre cum tofto eodem modo Robertum filium Iohannis qui tenet unam bovatam cum tofto eodem modo Robertum filium Palmerii qui tenet unam bovatam cum tofto eodem modo Rand le Orgnillus qui tenet unam bovatam cum tofto eodem modo Henricum filium Iohannis qui tenet unam bovatam cum tofto eodem modo Willelmum Spendelone qui tenet unam bovatam cum tofto eodem modo Thomam filium Normani qui tenet unam bovatam cum tofto eodem modo et Ricardum le Westrys qui tenet dimidiam bovatam terre cum tofto pro tribus solidis et nonem denarios annuatim reddendo ad predictos terminos ad festum Sancti Bothulfi quindecim denarios ad festum Sancti Michaelis quindecim denarios et ad Purificationem Beate Marie quindecim denarios Hugonem le Westreys qui tenet dimidiam bovatam cum tofto eodem modo Andream Saunbech qui tenet dimidiam bovatam cum tofto eodem modo Iohannem filium Andree tenentem dimidiam bovatam cum tofto eodem modo Robertum filium Ranulphi qui tenet dimidiam bovatam cum tofto eodem modo habend et tenend eisdem fratribus Milicie Templi in liberam puram et perpetuam elemosinam ita liberam quietam et solutam ab omni seculari servicio et exaccione sicut aliqua elemosina potest melius liberius et quietius dari alicui domui religionis cum omnibus pertinenciis suis et omnibus escaetis et cum libero introitu et egressu et cum pastura ad predictam terram pertinente et cum omnibus libertatibus communis et aisiamentis in bosco et plano in viis et semitis moris et mariscis et in omnibus rebus et locis infra villam et extra predicte terre pertinentibus hanc autem donacionem sicut predictum est feci predictis fratribus ad sustentacionem unius capellani qui divina celebrabit inperpetuum in domo ipsorum fratrum London pro anima dicti domini Roberti de Veteri Ponte quondam mei mariti et pro anima mea et animabus omnium antecessorum et successorum meorum Et ego predicta Idonia et heredes mei warantizabimus acquietabimus et defendemus prefatis fratribus Milicie Templi predictam terram cum omnibus pertinenciis suis et predictos homines cum omnibus catallis et sequelis suis sicut predictum est contra omnes homines et omnes feminas inperpetuum ut autem hec mea donacio concessio et presentis carte mee confirmacio perpetua stabilitate servetur illesa eam presentis scripti testimonio et sigilli mei apposicione roboravi hiis testibus Domino Ricardo de Turry Thoma filio Iohannis []