Charter Document - 99900114
| Charter Number: | 99900114 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1303 |
| Date type: | Internal, A.D., Feast |
| Resource Link(s): |
|
Charter:
Universis Christi fidelibus presentes litteras visuris vel audituris Frater Willelmus de la More Milicie Templi in Anglia magister humilis eternam in domino salutem Noveritis me de fratrum nostrorum consilio et assensu capituli nostri generalis apud Dynnesleya die martis proximo post festum Sancti Barnabe Apostoli anno domini millesimo trecentesimo tercio concessisse et presenti carta nostra confirmasse Roberto le Dortruer et Emme uxori sue unum mesuagium et unam acram terre que Iohannes Minot quondam tenuit in Holbourn[] in parochia Sancti Andree habend[um] et tenend[um] predictis Roberto et Emme uxori sue ad totam vitam suam reddendo inde annuatim nobis et successoribus nostris duodecim solidos argenti ad terminos consuetos et faciend[o] sectam ad curiam nostram Novi Templi London[] de tribus septimanis in tres septimanas dicti vero Robertus et Emma dictum cotagium in cooperturis et in omnibus suis aliis neccessariis sumptibus suis propriis competenter sustentabunt et reparabunt salvo nobis et successoribus nostris obitu videlicet sex solidis et octo denariis in fine ultimi decedent[] dictorum Roberti et Emme In cuius rei testimonium huic parti residenti penes predictos magistrum et fratres sigillum dicti Roberti est appositum et alteri parti residenti penes predictos Robertum et Emmam sigillum commune capituli nostri est appositum Hiis testibus fratre Radulpho de Barton[] et fratre Iohanne de Stok capellanis fratre Thoma de Tholuse et fratre Waltero le Bacheler fratre Willelmo de Grafton[] fratre Iohanne de Monhun fratre Willelmo de la Forde Fratre Iohanne de Conygston[] et aliis