Charter Document - 99900112
| Charter Number: | 99900112 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1422 |
| Date type: | Internal, A.D., Feast |
| Resource Link(s): |
|
Charter:
Ad curiam tentam apud Clerkenwelle die iovis in festo Sancte Katerine Virginis anno regni Regis Henrici sexti post conquestum primo dominus concessit Ricardo Dewe servienti de scaccario domini Regis quandam parcellam terre vacue continentem unam acram et dimidiam per estinacionem iacentem inter terram episcopi Sarum ex parte occidentali et ripam de flete ex parte orientali et inter Tamesiam ex parte australi et terram domini prioris quam Iohannes Hille Pynner modo tenet ex parte boriali habend[am] sibi pro termino vite sue et per unum annum post mortem suam reddendo inde domino et successoribus suis annuatim durante termino predicto duodecim denarios ad festa pasche et Sancti Michaelis equaliter et predictus Ricardus faciet clausuras circa dictam terram sumptibus suis propriis durante termino predicto et faciet sectam ad curiam de Clerkenwelle proximam tentam post festum Sancti Michaelis annuatim durante vita sua Et quia dicta terra modo iacet vacua et vastata nichil dat domino de fine et fecit domino fidelitatem []