Charter Document - 99900110
| Charter Number: | 99900110 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1249 |
| Date type: | Internal, Event, Regnal |
| Resource Link(s): |
|
Charter:
Omnibus et singulis presentibus et futuris presentem cartam visuris vel audituris Robertus de Poncium et Alicia uxor sua filia Willelmi de Sancto Edmundo salutem in domino Notum facimus universitati vestre nos dedisse concessisse et hac carta nostra confirmasse pro nobis et pro heredibus et assignatis nostris inperpetuum magistro Radulpho de Necketon[] pro viginti marcas sterlingorum quas ipse nobis dedit et solvit pre manibus unam marcatam annui redditus pertinenciis cum suis quam habuimus de dono eiusdem Radulphi et quam percipimus et percipere consuevimus et debuimus de predicto Willelmo de Sancto Edmundo de uno mesuagio et domibus cum pertinenciis in suburbio London[] prope Novum Templum ex parte boriali ecclesie Sancti Dunstani similiter et hospitalagium quod de dono eiusdem Radulphi habuimus in eisdem mesuagio et domibus cum omnibus pertinenciis suis habend[] et tenend[] eidem Radulpho et heredibus suis vel eorum assignatis de dono Milicie Templi London[] libere quiete integre in feodo et hereditate inperpetuum ita libere videlicet et integre et quiete sicut nos vel predictus Radulphus liberius integrius vel quiecius ea unquam habuimus vel tenuimus reddendo per annum eidem domui Milicie Templi London[] quadraginta denarios videlicet ad Pascha unam medietatem et ad festum Sancti Michaelis aliam medietatem pro omni servicio consuetudine et demanda In quorum testimonium et perpetue robur firmitudinis nos prememorati Robertus et Alicia presenti carte sigilla nostra appendimus actum London[] dominica in Ramis Palmarum Anno regni Regis Henrici filii Regis Iohannis tricesimo tercio Testibus Laurencio de Fronwyck tunc Aldermanno Stephano filio Roberti de Crokerlane Iohanne Cray Ricardo le Cordewaner Radulpho Speciario Gilberto de Sancto Dunstano Roberto de Monte Pessulano Roberto de Sualedal[] Adam de Haliwell[] Nigello clerico Hillario de Forneham et aliis