Charter Document - 99900106

Sciant presentes et futuri quod nos Robertus Heyrun et Oliva uxor mea dedimus et hac presenti carta nostra confirmavimus Thome Trentmars et Alicie uxori sue domum nostram cum pertinenciis quam habuimus in parochia Werburge de Frydaystrete London[] que quidem domus sita est inter terram ecclesie dicte Werburge et terram terram Willelmi de Dumelum versus aquilonem et terram predicti Willelmi versus orientem et vicum regium versus occidentem et terram Petri de Sandon[] aurifabri versus austrum videlicet quicquid ibidem habuimus vel habere potuimus in longitudine latitudine lignis lapidibus et rebus cunctis sine ullo retenemento habend[] et tenend[] de nobis heredibus sive assignatis nostris predictam domum cum omnibus suis predictis Thome et Alicie et heredibus sive assignatis suis et cuicumque eam dare vendere legare vel alio modo assignare voluerint libere integre pacifice quiete et hereditarie inperpetuum reddendo inde annuatim nobis et heredibus sive assignatis nostris predicti Thomas et Alicia et heredes sive assignati sui unam certam rosarum vel unum denarium argenti ad festum Sancti Iohannis Baptiste et capitalibus dominis feodi duodecim solidos sterlingorum ad quatuor anni terminos principales videlicet ad quemlibet terminum tres solidos et fratribus Milicie Templi de novo Templo London[] tres solidos ad eosdem terminos et ecclesie Sancti Pauli London[] duodecim denarios pro omnibus serviciis consuetudinibus exaccionibus demandis omnimodis et rebus cunctis Et nos predicti Robertus et Oliva heredes sive assignati nostri predictam domum cum omnibus pertinenciis suis prefatis Thome et Alicie et heredibus sive assignatis suis vel cuicumque eam dare vendere legare vel alio modo assignare voluerint contra omnes gentes Christianos et Iudeos warantizabimus acquietabimus et per predictum servicium defendemus Pro hac autem donacione concessione presentis carte nostre confirmacione warantizacione acquietacione et defencione dederunt nobis predicti Thomas et Alicia viginti marcas sterlingorum pre manibus in gersumam Et ut hec nostra donacio concessio et presentis carte nostre confirmacio rata et stabilis inperpetuum permaneat hanc presentem cartam sigillorum nostrorum munimine roboravimus Hiis testibus domino Iohanne Adrian tunc maiore London[] domino Henrico le Waleys et Gregorio de Rokesle tunc vicecomite London[] Willelmo de Duneluna tunc Aldermanno Warde et multis aliis Ista carta lecta fuit et irrotulata in pleno hustingo London[] die lune in crastino Invencionis Sancte Crucis anno regni Regis Henrici filii Regis Iohannis quinquagesimo quinto