Charter Document - 99900070
| Charter Number: | 99900070 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1281 - 1290 |
| Date type: | Assigned |
| Resource Link(s): |
|
Charter:
Universis presens scriptum visuris vel audituris Frater Willelmus de Haunle Sancte Domus hospitalis Ierusalem prior humilis in Anglia salutem in domino Noveritis nos unanimi assensu et voluntate pari Fratrum capituli nostri dedisse concessisse et hoc presenti scripto confirmasse Willelmo Panor[] de Westsmythefelde et heredibus suis de corpore suo libere procreatis unum mesuagium nostrum in parochia Sancti Sepulcri London[] extra barram de Smythefelde iacens in Muinethenestrete inter mesuagium dicti Willelmi ex parte una et mesuagium quondam Nicholai Pellipar[] ex parte altera quod quidem mesuagium continet in latitudine iuxta viam regiam sex ulvas et unam quarterium et ad aliud capud iuxta croftum predicti hospitalis continet in latitudine nonem ulvas et tria quarteria et in longitudine a via regia usque ad croftum predictum continet septuaginta quinque ulvas et tria quarteria tenendum et habendum dictum mesuagium cum pertinenciis de nobis et successoribus nostris sibi et heredibus suis de corpore suo libere procreatis libere quiete et in pace imperpetuum Reddendo inde annuatim nobis et successoribus nostris quinque solidos argenti ad quatuor anni terminos principales per equales porciones pro omni servicio et seculari demanda Ita videlicet quod quocienscumque dictus Willelmus vel heredes sui dictum redditum terminis predictis integre non reddiderint liceat nobis et successoribus nostris tam capitale mesuagium dicti Willelmi quam mesuagium ei a nobis concessum libere ingredi sine impedimento dicti Willelmi seu alicuius heredis sui et ea pro voluntate distringere ad plenariam eiusdem redditus solucionem et nos quoque Frater Willelmus prior et Fratres predicti ac successores nostri predictum mesuagium cum pertinenciis suis predicto Willelmo et heredibus suis de corpore suo legitime procreatis contra omnes mortales warantizabimus acquietabimus et defendemus quamdiu per cartas feoffatorum nostrorum warantizari poterimus In quorum testimonium huic parti huius carte nostre cirographate penes dictum Willelmum residendi sigillum capituli nostri fecimus apponi Hiis testibus Fratre Roberto de Holm[] Fratre Henrico Blundell[] Fratre Willelmo Ioye Fratre Iohanne Nowell[] Reginaldo Canon[] Iohanne de Harwe Willelmo Slithe Ricardo Albo Willelmo atte Hole et aliis