Charter Document - 99900069

Sciant presentes et futuri quod ego Willelmus Golde dedi concessi et hac presenti carta mea confirmavi Roberto de Henham totam terram meam cum domibus superedificatis et aliis pertinenciis suis quam habui in parochia Beate Marie de Clerkenewelle que terra cum domibus superedificatis iacet in latitudine inter terram Fratrum hospitalis Sancti Iohannis de Clerkenewelle versus aquilonem et terram Willelmi le Panour versus austrum et extendit se in longitudine a vico regio versus occidentem usque murum hospitalis Sancti Iohannis de Clerkenewelle scilicet et quicquid ibidem habui vel habere potui in longitudine et in latitudine et rebus cunctis sine aliqua dimunicione habendam et tenendam predicto Roberto de Henham heredibus suis et assignatis de me et heredibus meis libere quiete integre bene et in pace in feodo et hereditario imperpetuum Reddendo inde annuatim predictis Fratribus hospitalis Sancti Iohannis quatuor denarios ad duos terminos anni scilicet ad festum Sancti Michaelis Archangeli duos denarios et ad festum Pasche duos denarios et michi et heredibus meis unum clavum gariofili pro omnibus serviciis secularibus et demandis et ego predictus Willelmus Golde et heredes mei totam predictam terram cum domubus superedificatis et aliis suis pertinenciis predicto Roberto heredibus suis et assignatis contra omnes gentes tam Christianos quam Iudeos warantizabimus et per predictum servicium defendemus imperpetuum Pro hac autem donacione concessione et presentis carte mee confirmacione predictus Robertus dedit michi quadraginta et quatuor solidos sterlingorum in gersumam et ut mea donacio concessio defensio et warantia perpetue firmitatis robur optineant presentem cartam sigilli mei impressione roboravi Hiis testibus Reginaldo Canon[] Willelmo le Panor Thoma de Baldock[] clerico Iohanne de Harwes Waltero le Polet[] Ada le Hoder[] Ricardo Blundo Ricardo de Grene Ricardo Digun et aliis