Charter Document - 99900067
| Charter Number: | 99900067 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1294 |
| Date type: | Internal, Feast, Regnal |
| Resource Link(s): |
|
Charter:
Sciant presentes et futuri quod ego Alicia quondam uxor Ricardi le Blound in ligitima viduitate et propria potestate mea dedi concessi et hac presenti carta mea confirmavi Roberto le Parker de Coldonton et heredibus suis vel assignatis suis totam illam terram cum domibus superedificatis redditibus gardinis et omnibus aliis pertinenciis suis prout iacet extra barram de Smethefelde in parochia Sancti Sepulcri inter domos quondam Iohannis le Con ex parte una et domos quondam Bartholomei Molend ex parte altera et extendit se in longitudine a vico regio usque ad curiam hospitalis Sancti Iohannis de Clerkenwell quam quidem Katerina Pynell dedit Ricardo le Blound quondam viro meo et michi pro quadam summa pecunie quam eidem dedimus pre manibus habendam et tenendam totam dictam terram cum domibus gardinis redditibus et omnibus aliis pertinenciis suis libertatibus et aisiamentis de capitalibus dominis feodi dicto Roberto et heredibus suis vel assignatis suis quibuscumque et quandocumque seu cuicumque dictam terram cum suis pertinenciis dare legare vendere vel assignare voluerint libere quiete bene et in pace integre et plenarie in feodo et hereditate imperpetuum Reddendo inde annuatim et faciendo supradictis capitalibus dominis feodi servicia debita et consueta et supradicte Katerine Pynel triginta solidos sterlingorum toto tempore vite sue ad quatuor anni terminos videlicet ad pascha septem solidos et sex denarios et ad natale Domini septem solidos et sex denarios et heredibus Iohannis de Dyngles unum denarium ad pascha pro omnimodis serviciis secularibus et demandis et ego dicta Alicia quondam uxor Ricardi le Blound et heredes mei vel assignati mei quicumque totam supradictam terram cum domibus superedificatis redditibus gardinis et omnibus aliis pertinenciis libertatibus et aisiamentis suis supradicto Roberto le Parker et heredibus suis vel assignatis suis quibuscumque in omnibus articulis superius expressis et non expressis pro serviciis supradictis contra omnes gentes warantizabimus adquietabimus et imperpetuum per omnia defendemus Pro hac autem donacione concessione et presentis carte mee confirmacione dedit michi dictus Robertus le Parker viginti libras argenti per manibus In cuius rei testimonium huic presenti carte mee sigillum meum apposui Hiis testibus Willelmo le Panor Rogero de Appelby Ricardo atte Hole Willelmo de Meldebourn Petro le Chaundeler Willelmo le Monner Galfrido Pennynng et multis aliis Datum extra barram de Smethefelde in parochia Sancti Sepulcri in crastino Sancti Silvestri Pape anno regni Regis Edwardi filii Regis Henrici vicesimo secundo