Charter Document - 99900054

Hec indentura testatur quod religiosi viri Frater Leonardus de Tibert[] Sancte domus hospitalis Sancti Iohannis Ierusalem prior in Anglia et eiusdem domus fratres unanimi voluntate et assensu concesserunt et per presentes confirmaverunt Petro atte Gate et Sibille uxori eius unum gardinum continens in longitudine quatuordecim ulvas et dimidium et unum quarterium[] de ulva ferrea domini Regis absque pollicibus a cornera domus eiusdem Petri usque murum gardini hospitalis fontis clericorum versus occidentem et in latitudine decem ulvas et dimidium a cornera predicta usque ad murum dicti gardini versus aquilonem habendum et tenendum dictis Petro et Sibille ad terminum vite eorundem Reddendo inde annuatim dictis priori et fratribus et successoribus in dicto hospitali Fontis clericorum decem et octo denarios sterlingorum ad festa Michaelis et pasche per equales porciones ad cuius quidem redditus solucionem ad terminos statutos fideliter faciend[] prefati Petrus et Sibilla obligant se et omnia bona sua et tam omnia alia tenementa sua quam gardinum predictum districcioni dictorum prioris et fratrum et successorum suorum quociens dictus redditus aretro fuerit ad aliquem terminorum predictorum Et dictus prior et successores sui predictum gardinum dictis Petro et Sibille ad terminum vite eorundem contra omnes gentes warantizabunt quamdiu per cartas feoffatorum suorum poterunt warantizare In cuius rei testimonium sigillum communione dicti hospitalis et dicti Petri sigillum huic indenture mutuo sunt appensa Datum in celebracione capituli dicti hospitalis apud Fontem clericorum die martis proximo post festum Sancti Barnabe Apostoli anno domini millesimo trecentesimo tricesimo secundo et anno regni Regis Edwardi tercii post conquestum sexto