Charter Document - 99900053
| Charter Number: | 99900053 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1303 |
| Date type: | Internal, Feast, Regnal |
| Resource Link(s): |
|
Charter:
Noverint universi presens scriptum visuri vel audituri quod ego Walterus de Lewes facio ordino et constituo dilectum et specialem michi in Christo Stephanum de Lewes fratrem meum attornatum ad locandum dimittendum ad firmam seu vendendum domum meam quam habeo iuxta hospitalem Sancti Iohannis Baptiste in suburbio London in parochia Sancti Sepulcri cum omnibus suis pertinenciis cuicumque et quandocumque viderit expedire et de pecunia inde recepta suam voluntatem facere et tenentes in dicta domo commorantes pro sua voluntate removere et alios apponere quociens et quando viderit necesse ratum et gratum habens quicquid dictus Stephanus de domo mea predicta cum omnibus suis pertinenciis nomine meo fecerit seu disposuerit ac si dicta domus sua propria esset faciendo inde causam domino priori dicte ecclesie Sancti Iohannis duodecim denarios in festo Sancti Michaelis pro omnibus serviciis et rebus cunctis In cuius rei testimonium presentibus sigillum meum apposui Datum London die proximo post festum Sancti Laurencii anno regni Regis Edwardi filii Regis Henrici tricesimo primo Hiis testibus Willelmo de Meldeburne Philippo Fabro Willelmo le Porter Galfrido de Bennygg Thoma de Meldeburne Adam de Retford clerico et aliis