Charter Document - 99900050
| Charter Number: | 99900050 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1304 |
| Date type: | Internal, Feast, Regnal |
| Resource Link(s): |
|
Charter:
Sciant presentes et futuri quod ego Stephanus de Leuwes dedi concessi et hac presenti carta mea confirmavi Roberto de Nortone et Iohanne uxori sue totum illud mesuagium cum domibus superedificatis et cum gardino adiacente et omnibus aliis suis pertinenciis quod habui in parochia Sancti Sepulchri extra barram de Smethefeld London et situm est inter terram prioris hospitalis Sancti Iohannis Ierusalem in Anglia ex parte orientali et terram Roberti le White et eciam le cupere ex parte occidenti et extendit se a vico regio versus austrum usque ad gardinum predicti prioris versus aquilonem scilicet quicquid ibidem habui vel habere potui seu debui ut in lignis lapidibus longitudine latitudine altitudine et profunditate et rebus cuntis sine aliqua diminucione vel ullo retenemento habendum et tenendum predictum mesuagium cum domibus superedificatis et gardino adiacente et omnibus aliis suis pertinenciis predictis Roberto et Iohanne et eorum heredibus et assignatis quibuscumque libere quiete bene et in pace in feodo et hereditate de capitalibus dominis illius feodi imperpetuum Reddendo inde annuatim eisdem capitalibus dominis illius feodi duodecim denarios ad festum Sancti Michaelis pro omnibus aliis serviciis curiarum sectis consuetudinibus et omnibus secularibus demandis Et ego vero predictus Stephanus et heredes mei warantizabimus et defendemus totum predictum mesuagium cum domibus superedificatis et cum gardino et omnibus aliis suis pertinenciis predictis Roberto et Iohanne et eorum heredibus et assignatis quibuscumque contra omnes homines et feminas imperpetuum pro hiis autem donacione concessione confirmacione warancia et defensione dederunt michi predicti Robertus et Iohanna quandam summam pecunie in gersummam de qua bene sum contentus In cuius rei testimonium huic presenti carte mea sigillum meum apposui Hiis testibus Rogero de Appelby Thoma de Meldeburne Willelmo de Meldeburne Galfrido Pennyg Iohanne de Staundone Galfrido de Fenere Rogero de Actone Philippo le Fenere Willelmo de Actone Roberto Clerico et aliis Datum apud Westsmethefelde London die veneris proximo ante festum Beati Laurencii anno regni Regis Edwardi filii Regis Henrici tricesimo secundo