Charter Document - 99900044
| Charter Number: | 99900044 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1385 |
| Date type: | Internal, Regnal |
| Resource Link(s): |
|
Charter:
Sciant presentes et futuri quod ego Willelmus West dedi concessi et hac presenti carta mea confirmavi Willelmo Knotte Thome Say et Willelmo Foot omnes illas shopas cum solariis superedificatis et suis pertinenciis que habui in Clerkenwellestrete in parochia Sancti Sepulcri extra Newgate London[] ex dono et feoffamento dicti Willelmi Knotte et Thome Brady que quidem shope cum solariis superedificatis et suis pertinenciis scituatae sunt inter tenementum prioris hospitalis Sancti Iohannis versus austrum et gardinum dicti prioris versus occidentem et viam regiam versus orientem et tenementum Willelmi Stowe versus aquilonem Dedi eciam et concessi eisdem Willelmo Knotte Thome Say et Willelmo Foot unum tenementum cum suis pertinenciis extra barram de Holbourne quod ego et Agnes uxor mea coniunctim habemus et tenemus ad terminum vite dicte Agnetis ex dono et feoffamento Ricardi Durant et dicti Willelmi Foot reversione eiusdem post decessum dicte Agnetis michi et heredibus meis spectantibus habendas et tenendas dictas shopas cum solariis superedificatis et suis pertinenciis ac eciam dictum tenementum cum pertinenciis post decessum dicte Agnete prefatis Willelmo Knotte Thome Say et Willelmo Foot heredibus et assignatis suis libere quiete bene et in pace imperpetuum de capitalibus dominis feodi illius per servicia inde debita et de iure consueta Et ego predictus Willelmus West et heredes mei predictas shopas cum solariis superedificatis et suis pertinenciis ac eciam dictum tenementum cum pertinenciis post decessum dicte Agnete prefatis Willelmo Knotte Thome Say et Willelmo Foot heredibus et assignatis suis contra omnes gentes warantizabimus imperpetuum In cuius rei testimonium huic presenti carte sigillum meum apposui Hiis testibus Iohanne Bygenet Roberto Langele Willelmo Stowe Willelmo Westham Iohanne Tonynton[] et aliis Datum apud Holbourne predictum vicesimo primo die mensis aprilis anno regni Regis Ricardi secundi post conquestum octavo