Charter Document - 99900038
| Charter Number: | 99900038 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1349 |
| Date type: | Internal, Feast, Regnal |
| Resource Link(s): |
|
Charter:
Sciant presentes et futuri quod ego Robertus atte Gate dedi concessi et hac presenti carta mea indentata confirmavi Petro atte Gate totum illud tenementum meum cum suis pertinenciis quod habeo in parochia Sancti Sepulcri extra barram de Westsmethefeld[] in comitatu Midd[] ex dono et feoffamento predicti Petri quod quidem tenementum extendit se in longitudine a via regia versus orientem usque ad gardinum prioris et fratrum milicie hospitalis Sancti Iohannis de Clerkenwell[] et gardinum meum versus occidentem et in latitudine inter tenementum predictorum prioris et fratrum versus aquilonem et austrum habendum et tenendum totum predictum tenementum cum omnibus suis pertinenciis predicto Petro ad totam vitam suam faciendo capitalibus dominis feodi illius servicia inde debita et de iure consueta ac reddendo inde annuatim michi et heredibus meis unam rosam ad festum nativitatis Sancti Iohannis Baptiste pro omnibus aliis serviciis et secularibus demandis ita quod post decessum predicti Petri totum predictum tenementum cum suis pertinenciis michi prefato Roberto et heredibus meis vel meis assignatis plenarie revertatur Et ego predictus Robertus atte Gate et heredes mei totum predictum tenementum cum suis pertinenciis prefato Petro ad totam vitam suam warantizabimus et defendemus per servicia predicta contra omnes gentes In cuius rei testimonium huic presenti carte sub alternacione predicti Petri sigillum meum apposui Hiis testibus Philippo Dykeman Ricardo le Smyth[] Iohanne Dobelyne Iohanne de Nettleswell[] Thoma atte Spense Iohanne Smalbone Iohanne le Longe et aliis Datum in parochia supradicta die sabati ante festum Cathedre Sancti Petri Apostoli anno regni Regis Edwardi tercii a conquestu vicesimo tercio