Charter Document - 99900035
| Charter Number: | 99900035 |
|---|---|
| Cartulary Title: | The Hospitaller Cartulary, London |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1335 |
| Date type: | Internal, Regnal |
| Resource Link(s): |
|
Charter:
Sciant presentes et futuri quod ego Robertus Peckefichele dedi concessi et hac presenti carta mea confirmavi Petro atte Gate et Sibille uxori sue totum tenementum meum cum domibus superedificatis et cum gardino in eodem tenemento existente et omnibus suis pertinenciis quod habui de dono et feoffamento Henrici le Hayward[] in parochia Sancti Sepulcri extra Newgate London[] in comitatu Midd[] extra barram de Westsmethefeld[] quod quidem tenementum cum suis pertinenciis situm est infra feodum hospitalis Sancti Iohannis de Clerkenwell[] inter tenementum eiusdem hospitalis ex partibus australi occidentali et aquilonari et vicum regium ex parte orientali habendum et tenendum totum predictum tenementum cum domibus superedificatis et cum gardino in eodem existente et omnibus suis pertinenciis prefatis Petro et Sibille uxori sue et heredibus eorum et eorum assignatis quibuscumque libere quiete integre bene et in pace in feodo et hereditate de capitalibus dominis feodi illius per servicia inde debita et de iure consueta imperpetuum Et ego predictus Robertus et heredes mei warantizabimus acquietabimus et defendemus prefatis Petro et Sibille uxori sue et heredibus eorum et eorum assignatis quibuscumque totum predictum tenementum cum domibus superedificatis et cum gardino in eodem tenemento existente et omnibus suis pertinenciis sicut predictum est contra omnes gentes imperpetuum pro hac autem donacione concessione presentis carte mee confirmacione warancia acquietancia et defensione dederunt michi prefati Petrus et Sibilla quamdam pecunie summam premanibus Et ut hec mea donacio concessio presentis carte mee confirmacio warancia acquietancia et defensio perpetuam optineant firmitatem presentem cartam sigilli mei impressione roboravi Hiis testibus Willelmo de Castello Philippo Dykeman Richardo Fabro Nicholao de Wyght Fulcon[] de Padingtone Simone de Acres Iohanne Dykeman Iohanne Dobeleyn[] Waltero Marescall[] et aliis Datum apud Clerkenwell die iovis proximo ante festum Sancti Alphegi episcopi anno regni Regis Edwardi tercii post conquestum nono